Украинада Донецк вилоятининг Славянск шаҳри аҳолисини зудлик билан эвакуацияниш топшириғи берилди. Британия разведкасининг 6-июлдаги ҳисоботига кўра, бу шаҳар Донбассдаги жангларнинг навбатдаги марказига айланиши мумкин.
Украина расмийлари сешанба куни Славянск бир неча кундан бери Россия армияси томонидан кучли ўққа тутилгани, камида икки киши ҳалок бўлган ва етти киши яралангани ҳақида маълум қилган.
Киевни эгаллаш мақсадига эриша олмаган Россия қўшни давлатнинг шарқий қисмида ҳарбий амалиётларни кучайтирди. Бир неча кун олдин Донбассдаги Луганск вилояти деярли бутунлай Москва назоратига ўтган.
Украина президенти Владимир Зеленский 5-июлнинг оқшомидаги мурожаатида армияни ракетага қарши илғор тизимлар билан таъминлаш бўйича ҳаракатларни давом эттираётганини билдирди
Шу куни БМТнинг Инсон ҳуқуқлари бўйича Олий комиссари Мишель Бачелет Россиянинг «йўқ жойдан келтириб чиқарган урушини» қоралаб, оддий одамларнинг азобланишига чек қўйишга чақирди. Ташкилот маълумотларига кўра, 3-июлга қадар Украина ҳудудида ўн мингдан ортиқ тинч аҳоли ҳалок бўлган ёки яраланган. Бачелет ҳақиқий рақамлар бундан ҳам кўплигини таъкидлади.