Бошқа мавзуларУкраина президенти Владимир Зеленский Ғарбдаги ҳамкорлари берган артиллерия рус қўшинларига қарши урушда катта натижаларни кўрсата бошлаганини 7-июлдаги видеомурожаатида айтди.
Жанг майдонидаги вазият ҳақида «Ғарб артиллерияси, ҳамкорларимиз берган қуроллар энг яхши натижаларни кўрсата бошлади», янги техника юқори даражадаги аниқликда ишлаётганини айтди.
Зеленскийнинг сўзларига кўра, Украина қўшинлари «босқинчиларни орқа томондан таъминлаш учун муҳим бўлган омборлар ва бошқа жойларга зарба бермоқда» ва бу “Россия армиясининг босқинчилик салоҳиятини сезиларли даражада пасайтирмоқда».
Россия жорий йилнинг 24-февралида Украинага ҳужум қилганидан бери мамлакатнинг бир қатор ҳудудларини назорат остига олган. Икки кун аввал Россия президенти Владимир Путин Украина шарқидаги ҳужумларни давом эттиришга чақирган.
