Бошқа мавзуларБосния ва Герцеговинанинг шарқий қисмидаги Сребреница шаҳрида 1995-йилнинг июлида содир этилган қирғиннинг 27 йиллиги муносабати билан хотира дастури бўлиб ўтди.
Босния ва Герцеговинадаги уруш пайтида Бирлашган Миллатлар Ташкилоти аскарлари томонидан таянч сифатида фойдаланилган эски аккумулятор заводида ўтказилган хотира дастурида сўзга чиққан Босния ва Герцеговина Президентлик кенгаши раиси Сефик Дзаферович, 27-йилдан кейин ҳам йиллар давомида қатли ом қурбони бўлган юзлаб одамларнинг жасадларига етиб боришнинг имкони йўқ бўлганлигини ёдга олиб, қатли омни режаланган тартибда амалга оширилганига эътибор қаратди.
Сребреницанинг бугунги тонгда дунёнинг энг қайғули шаҳри эканлигини таъкидлаган Дзаферович, «Бу ердаги қатли ом макон ва вақт билан чекланмаган, бу ерда минглаб одамлар ҳалок бўлди» деган сўзларни ишлатди.
Босния ва Герцеговина олий вакили Кристиан Шмидт ҳар сафар Сребреницага келганида юрагига оғир тушишини айтди.
Шмидт «Мен халқаро институтларнинг бегуноҳ одамларни ҳимоя қила олмаслигининг оғирлигини ҳам ҳис қиламан», деди.
Европа Иттифоқининг ташқи ишлар ва хавфсизлик сиёсати бўйича олий вакили Хосеп Боррел ҳалок бўлганларнинг оилаларига ҳамдардлик билдирди.
