Евронинг курси 20 йилда биринчи марта долларнинг курси билан тенглашди

Евронинг курси 2002-йилнинг 6-декабридан бери деярли 20 йилда биринчи марта долларнинг баҳоси билан тенглашди. Айни пайтда жаҳон бозорида 1 евро 1,0066 доллардан сотилмоқда. Евронинг долларга нисбати ўтган йилнинг июнь ойидан буён 17,8 фоизга пасайди.

Россиянинг Москва фонд биржасида евронинг рублга нисбатан нархи долларга нисбатан арзонлашди. Доллар ўртача 58,40-59,40 рубл бўлаётган бўлса, евро 58,2-59,2 рубл атрофида бўлмоқда.

Европа валютасининг заифлашиши иқтисод пасайиб кетади деган ҳавф билан боғлиқ. РБК нашри бозорга бундан ташқари иттифоққа Россиядан газ етказиб беришнинг камайиши ҳам таъсир кўрсатаётганини ёзмоқда.

The Guardian нашрининг ёзишича, трейдерлар Россия ўн кунга таъмирлаш ишларига тўхтатган «Шимолий оқим-1» газ қувурини қайта ишга туширмаслигидан хавотирланмоқда.

Доллар курсининг мустаҳкамланиши АҚШ Федерал захира тизимининг инфляцияга қарши кураш борасидаги қатъий сиёсати билан изоҳланмоқда.

Евро банкнотаси 1999-йилда Европа Иттифоқи давлатларининг ягона пул бирлиги сифатида муомалага киритилган. 2002 йилдан бошлаб у нақд пулга айлантирилди. Ҳозирда Европа Иттифоқидаги 27 давлатдан 19 таси расмий валюта сифатида, ташкилотнинг бошқа аъзолари эса ўз миллий валюталаридан фойдаланади.

Бўлишинг:

Муҳаррир танлови

Доллар курси яна қимматлади

Марказий банк 8 январдан хорижий валюталарнинг ўзбек сўмига нисбатан янги қийматини белгилади. Фото:minfin.com.ua Доллар курси ўтган ҳафтага нисбатан 0.82 сўмга қимматлаб, 1 ...

Гулнора каримованинг жияни акбар абдуллаевга тегишли йирик кўчмас мулк аукционга қўйилди 

«E-IJRO AUKSION» электрон аукцион савдо майдончасида суд томонидан хатланган Паркент тумани Кумушкон қишлоғидаги нотурар кўчмас мулк объекти боғи очиқ аукционга қўйилди. Бу ...

Турклар utbankни тўлиқлигича сотиб олди

Ўзбек-турк банки Ўзбекистонда Ziraat Bank-Uzbekistan номи остида иш юритади. (more…)


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400