Россияга ўйнагани борган эмас,
Руслар кулиб уни кутиб олган эмас,
Чин айтяпман, айтганларим ёлғон эмас
Осон эмас мусофирга, осон эмас…
***
Мусофирлик нималигин борган билар,
Кризисда бепул, беиш қолган билар,
ФМС да неча кунлаб турган билар,
Осон эмас мусофирга, осон эмас…
***
Совуқ кунда баланд уйлар қурган билар,
Иш йўғида халтуралар урган билар ,
Ўн беш киши бир хонада турган билар,
Осон эмас мусофирга, осон эмас…
***
Ойлаб ишлаб, сўнг алданиб қолган билар,
Миллон ишлаб, қўлга 100 минг олган билар,
Ҳали етиб булмай депорт бўлган билар,
Осон эмас мусофирга, осон эмас…
***
Бугун уйланиб, бир ой ўтмай учган билар,
Ёрин қумсаб ёстиғини қучган билар,
Кунда 10 бор милицияга тушган билар,
Осон эмас мусофирга, осон эмас…
***
Ёз келишин зор интизор кутган билар,
Ёшлик даври Россияда ўтган билар,
Бор аламин мағрур ичга ютган билар,
Осон эмас мусофирга, осон эмас…
Осон эмас мусофирга, осон эмас…
July 29 2014, 03:07
ЖамиятМинтақа