2015 йилда Тошкентнинг йўл-транспорт инфраструктурасини такомиллаштириш ишларига 44 млрд сўм ажратилиши кутилмоқда.
Ушбу маблағнинг 9 млрд сўмга тенг қисми давлат бюджетидан ажратилади. Кўприклар, чорраҳалар қуриш ва йўлларни кенгайтиришга мўлжалланган 35 млрд сўм Республика йўл фонди томонидан сарфланади. Тошкент шаҳар бош иқтисодий бошқармасининг маълумотига кўра, кўзда тутилган чора-тадбирлар мавжуд йўл участкаларидаги тиғизликни енгиллаштиришга қаратилган.
Эслатиб ўтамиз, Тошкентда ҳар йили 20 мингтагача янги транспорт воситаси пайдо бўлаётир, шу боис йўл-транспорт инфраструктурасини такомиллаштириш энг муҳим вазифалардан бўлиб қолмоқда.