Кексаларни эъзозлаш йили”нинг кекса сиёсий маҳкумларга шафоати тегадими?

keksalarni-ezozlash-yiliЎзбекистон Республикаси Адлия вазирлигининг миллий қонунчилик базасида пайдо бўлган хабарга кўра, “Кексаларни эъзозлаш йили” давлат дастурининг қабул қилиниши муносабати билан Ўзбекистон Республикаси Жиноят Кодексининг 50-моддасига ўзгартириш киритилади.

Мазкур ўзгартиришга мувофиқ, Жиноят Кодексининг махсус қисмида жазо муддатини ўтаётган кексалар, яъни 60 ёшга тўлган фуқароларга нисбатан жазони ижро этиш чоғида енгилликлар берилади. Давлат дастури туфайли қонунчиликка киритилган ўзгартириш сабабли 60 ёшга тўлган маҳкумларнинг жазо муддатлари 4/3 қисмга, яъни 75 фоизга қадар қисқартирилади.

Аммо хабарларда мазкур ўзгартиришнинг Ўзбекистон Республикси Олий Мажлиси Сенати томонидан чиқариладиган умумий афв – Амнистияларга тааллуқлиги борасида маълумотлар келтирилмаган. Шуни алоҳида таъкидлаш керакки, ҳозирда жазо муддатларини ўтаётган фуқаролик жамияти вакиллари – Мурод Жўраев, Солижон Абдураҳмонов, Бобомурод Раззоқов ҳамда Аъзам Турғуновлар аллақачон 60 ёшдан ўтган, аммо қатор йиллардаги амнистия эпкини уларни четлаб ўтмоқда. Жазо муддатларини бир неча марта ўтаб бўлган Мурод Жўраевга 3 марта муддат қўшиб берилди, бошқа дўстларимизга эса умумий авфлар қўлланилмаяпти.

Ўзбекистон инсон ҳуқуқлари “Эзгулик” жамияти Ўзбекистон Ички ишлар вазирлигининг Жазони ижро этиш Бош бошқармаси ва Республика Бош прокуратурасини “Кексаларни эъзозлаш йили” давлат дастурининг қабул қилиниши муносабати билан Ўзбекистон Республикаси Жиноят Кодексининг 50-моддасига киритилган ўзгартиришга мувофиқ, юқорида номлари келтирилган фуқаролик жамияти вакилларини озод қилишга чақиради.

Ўзбекистон инсон ҳуқуқлари “Эзгулик” жамияти

Бўлишинг:

Муҳаррир танлови

Ўзбекистон афғонистонга тезюрар юк поездлари қатновини йўлга қўйди

Эндиликда юклар Тошкентдан “Ҳайратон” станциясига 2 кун ичида тезюрар юк поездларида етказиб берилмоқда. Фото: Ўзбекистон темир йўллари "Ўзбекистон темир йўллари" АЖ ...

Олий суд гулнора каримова оқланиши бўйича расмий мурожаат йўқлигини маълум қилди

25 июнь куни Президент администрацияси ҳузуридаги Ахборот ва оммавий коммуникациялар агентлиги анжуманлар залида «Суд-ҳуқуқ соҳасидаги ислоҳотлар» мавзусида матбуот анжумани ...

«бирдамлик» хдҳнинг қурултойолди йиғилишига нега барҳам берилди?

Кеча 15-сентябрь куни соат 12-00 да "Бирдамлик" ХДҲнинг Ўзбекистон Республикасида яшовчи фаоллари иштирокида Қурултойолди йиғилиши ўтказилиши керак эди. Бироқ шу куни ...