“Apple”нинг 2-марказий офиси қурилмоқда

apple-2-campus
Apple’нинг 2-марказий офиси. Келажак кўриниши

Apple компаниясининг  қурилиши давом этаётган марказий офиси ҳақида янги тафсилотлар маълум бўлмоқда. Янги марказий офис биноси ташқаридан қараганда худди космик кемага жуда ўхшаш, бироқ ички тузилиши яна-да ўзига хос кўринишга эга. Иморат интерьери футуристик қиёфадаги биноларнинг букилгансимон кўринишдаги шаклларини ўзида уйғунлаштиради.

Apple дизайнери Жони Айвнинг айтишича, бино қаватлари 4,4 минг йиғма темир-бетон плиталардан тикланмоқда. Уларнинг ҳар бирини пол ва шифтлар ҳамда уларнинг орасида жойлашадиган совутиш тизимларини ўз ичига олган гўёки бир «бутерброд» дейсиз. Айв бу конструкцияларни полсимон плиталар, деб атайди.

Бундай бетон плиталарнинг ишлаб чиқарилаётгани ҳам Appleнинг ҳар бир қурилиш синчига жиддий эътибор билан қараётганидан далолат беради. Бино қурилишида узилишлар, маблағ ажратишни кўпайтириш билан боғлиқ муаммолар ҳам учраб туради. Чунки, Стив Жобс пайтида ўрнатилган жиддий талабларга риоя этиб ишлаш осон эмас-да.

Жобс юзалар орасидаги тирқишлар стандарт андазадаги 3,2 мм. ўрнига 0,79 мм. бўлишини қаттиқ талаб қилган, яъни сип-силлиқ қилиб сайқалланган бетон шифтлар бир йўла қолипга қуюлиб, ўша қолип билан биргаликда монтаж жойига келтирилиши зарур. Шунга амал қилинсагина, уларнинг деформацияга учраши олдини олиш мумкин бўларкан. Бундай талабдан лойиҳа иштирокчиларидан бирининг овози чиқмайдиган бўлиб қолган.

Маълум бўлишича, Жобснинг ишини айнан Айв давом эттираётган кўринади, унинг лифт бошқариш пультларини соддалаштиришни талаб этганда қаттиқ тортишувга дош берганини эслаши бежиз эмас. У, шунингдек, ички зинапоялар ва бошқарув тизимлари конструкциясига ҳам шахсан аралашган.

2016 йили бино қабариқ шаклдаги ойна панеллари билан жиҳозланади ва ер ости гаражи, томошалар ҳамда янги озиқ-овқат маҳсулотлари намуналари намойиш қилинадиган зал билан таъминланади. Уларни табиатнинг гўзал манзаралари тасвири ҳам безайди.

Бўлишинг:

Муҳаррир танлови

Ўзбекистонда пенсия ва нафақа тайинлаш учун тақдим қилинадиган ҳужжатлар сони ўзгартирилди

Фуқароларга ногиронлик нафақаси тайинланишида улардан нафақа тайинлаш учун меҳнат дафтарчаси нусхасини сўраш бекор қилинди. Бу ҳақда Пенсия жамғармаси матбуот хизматидан ...

Тошкент шаҳар миб бошлиғи ўзгарди

Бош прокуратура ҳузуридаги Мажбурий ижро бюросининг Тошкент шаҳар бошқармасига янги раҳбар тайинланди. "UzNews.uz" нашрининг ёзишича, 2019 йил 27 март куни Бюронинг Тошкент ...

Хитой ўзбекистондан 1 миллион долларлик сархил гилос сотиб олмоқчи

Ўзбекистоннинг Zangiota Tomorqa Xizmati Export компанияси(New Way Caravan Gardens бренди) Хитойга 2020 йилда қиймати 1 млн. долларлик сархил гилос етказиб бериш бўйича ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400