Ўзбекистонда сув таъминоти тизимларини ривожлантириш ва модернизациялаш дастурини амалга ошириш учун 2015-2019 йилларда марказлаштирилган капитал қўйилмалари ҳисобидан 432,8 млн.доллар маблағ ажратилади, деб ёзади uzreport.uz.
Ичимлик суви таъминоти дастурини шу йилнинг феврал ойида тузилган республика махсус комиссияси мувофиқлаштириб боради. Мазкур комиссия кўриб чиққандан сўнггина манзилли рўйхатга киритишга тавсия қилинаётган сув таъминоти объектларини қуриш ва реконструкция қилиш бўйича якуний рўйхат тузиш ҳақида қарор қабул қилинади. Комиссия ҳар йили 1 июлга қадар ҳужжатларни кўриб чиқади ва уларни амалга ошириш қанчалик мақбуллиги ҳақида қарор қабул қилади.