Ислом тараққиёт банки Ўзбекистоннинг Сирдарё вилоятида канализация тизимини модернизациялаш учун 57,5 миллион ажратишга қарор қилди. Бу ҳақда “Газета.уз” хабер бермоқда.
Умумий қиймати 157 миллион долларга тенг лойиҳа доирасида Сирдарё вилоятидаги учта шаҳар – Гулистон, Ширин ва Янгиерда канализация тизими реконструкция қилинади ва кенгайтирилади.
Тўрт йил давомида амалга ошириладиган лойиҳа бошқа халқаро молия институтлари ва Ўзбекистон ҳукумати томонидан ҳам молиялаштирилади.
Ўзбекистон Ислом тараққиёт банкига 2003 йилда аъзо бўлган. Ўтган вақт давомида банк мазкур мамлакатга турли соҳалардаги 18та лойиҳа учун 830 миллиондан ортиқ маблағ ажратди.