Жорий йилда қирғизистонликлар учун ҳаж сафари нархи тахминан 1 минг АҚШ долларига ошиши кутилмоқда.
Ўтган йили қирғизистонлик ҳожилар бепул меҳмонхоналарга жойлаштирилган ва у ерлардаги шароит ҳожиларга маъқул келмаган. Айримлар ижарага уй топиб, аҳолида яшаган. Бу йил эса бепул меҳмонхоналардан воз кечиш режалаштирилмоқда ва шу муносабат билан ҳаж сафари нархи ошади. Ҳисоб-китоблар ҳали охирига етмаган, бироқ нарх 1 минг АҚШ долларига ошиши кутиляпти.
Бепул меҳмонхоналардан воз кечиш масаласи зиёратчилар билан муҳокама этилади.
2014 йилда ҳаж сафари қирғизистонлик зиёратчилар учун 2 минг 400 АҚШ долларига тушган эди.