Apple’нинг сотиш сири

apple-store“Apple” компанияси ўз магазинлари сотувчиларига “Apple Watch” ақлли соатларини қандай сотиш кераклиги бўйича тавсиялар берди. Компаниядагилар кўплаб кишилар бу соатларни сотиб олишга қарор қилишганини, уларга фақат ўзларига мос моделни танлашда ёрдам бериш керак деган фикрда.

“Apple” ўз сотувчиларига харидорларга керакли моделни танлашда ёрдам берадиган бир неча саволларни беришни тавсия этди. Масалан, сотувчи харидордан соатнинг қандай имкониятлари қизиқтираётганини, ундан нима мақсадда фойдаланишини ва ўзи учун оляптими ёки совғагами, шуларни сўраши мумкин.

“Apple” шунингдек, “Apple Watch” сотуви “iPhone”нинг янги моделларини сотиш учун ҳам имконият беришига умид қилмоқда. Харидорлардан уларнинг смартфонларида “iOS 8” ўрнатилганлиги, қандай иловалардан фойдаланишлари, саломатликни назорат қилувчи сервислар қизиқтиришини сўрашлари мумкин. Агар харидорнинг айфони бўлмаса ёки модели “Apple Watch”га мос келмайдиган бўлса, сотувчи унга янги смартфон сотиб олишни таклиф қилади.

“Apple Watch” уч хил вариантда турли нарх тоифаларида чиқарилади: алюминий корпусли спорт версияси, пўлат корпусли қимматроқ модели ва бир неча минг доллар пулни аямайдиганлар учун тилла соатлар.

“Apple” соатлари учун аксессуарлар сотиш ҳам бизнеснинг муҳим йўналишларидан бири сифатида қабул қилинмоқда. Компания сотувчилари ҳар бир харидор учун ўзига хос ёндашув асосида маҳсулот таклиф этади.

“Apple Watch” сотуви апрелдан бошланади. Дастлаб соатлар АҚШ, Германия, Буюк Британия, Франция ва Австралияда сотувга чиқади. Энг арзон модель 349 доллардан сотилади, энг қиммати эса миш-мишларга қараганда, 19999 доллар туради.

http://xabardor.uz/

Бўлишинг:

Муҳаррир танлови

Гулнора каримованинг жияни акбар абдуллаевга тегишли йирик кўчмас мулк аукционга қўйилди 

«E-IJRO AUKSION» электрон аукцион савдо майдончасида суд томонидан хатланган Паркент тумани Кумушкон қишлоғидаги нотурар кўчмас мулк объекти боғи очиқ аукционга қўйилди. Бу ...

Facebook 50 миллион одамнинг шахсий маълумотлари ўғирлангани учун масъул эканини тан олди

Facebook 50 миллион фойдаланувчисининг шахсий маълумотларини асрай олмагани ошкор этилгани ортидан юзага келган жанжал оқибатида ижтимоий тармоқ 60 миллиард доллар зарар ...

Маҳаллий ундан қолипли нон ишлаб чиқарувчиларга солиқ имтиёзи белгиланди

Донни қайта ишлаш корхоналари ва қолипли нон ишлаб чиқарувчиларни янада қўллаб-қувватлаш чора тадбирлари тўғрисида Ҳукумат қарори (829-сон, 30.09.2019 й.) қабул қилинди. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400