Ўзбекистоннинг Москвадаги элчихонасида кутиш учун навбат узун бўлганидан муштлашув келиб чиқди, дея ёзади “Московский комсомолец”.
Хабарда айтилишича, муштлашув консуллик бўлими ходимлари ва муддати ўтган паспортини алмаштиришга келган ўзбекистонлик қизнинг ҳамроҳи – Россия фуқароси бўлган Заур исмли киши ўртасида келиб чиққан.
Заур элчихона ходимлари саволларга қўполлик билан жавоб қайтаргани, уч қўриқчи ва консуллик бўлимининг бир ходими унга ташланиб, дўппослагани, оқибатда кўзи кўкарганини даъво қилмоқда. У элчихонадан чиқиши билан полиция бўлимига бориб, шикоят ёзган.
Элчихона ходимлари эса муштлашувга Заурнинг ўзи сабаб бўлганини, навбат кутишни истамай, қўполлик қилганини айтган. Шунингдек, улар Заурни уч қўриқчи дўппослагини ҳам рад этган.