2014 йил Путиннинг даромади икки баравар кўпайди

putin2014 йилда Россия президенти Владимир Путиннинг даромади 7,654 миллион рублни ташкил этди. 2013 йилда унинг даромади 3,6 миллион рублга тенг бўлган эди.

Россия президенти маъмурияти президент ҳамда президент маъмурияти ходимлари, уларнинг оила аъзоларининг 2014 йилдаги даромадлари ва харажатлари, кўчмас мулклари ҳақидаги декларацияни эълон қилди.

Декларациянинг кўчмас мулк қисмида Путиннинг ер участкаси ва гаражи, майдони 77 квадрат метрга тенг квартираси борлиги қайд этилган. Шунингдек, Россия президентининг ГАЗ М21, ГАЗ М-21-Р ва “Нива” автомобилари, “Скиф” тиркамаси бор.

Декларацияда кўрсатилишича, Россия Бош вазири Дмитрий Медведев ўтган йили 8 миллион рубль ишлаб топган (2013 йилда – 4,2 миллион рубль).

Энг катта даромад Бош вазир ўринбосари Александр Хлопонинга тегишли – 280,6 миллион рубль. Алоқа ва оммавий коммуникациялар вазири Николай Никифоровнинг даромади эса ҳамманикидан кам бўлибди – 4,9 миллион рубль.

Ўтган йили Ташқи ишлар вазири Сергей Лавров 6,1 миллион, Мудофаа вазири Сергей Шойгу 7,5 миллион, Молия вазири Антон Силуанов эса 36,3 миллион рубль даромад олган.

Бўлишинг:

Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400