Бошқа мавзулар
Европа Комиссияси 22 апрель куни Россиянинг “Газпром” ширкатини аксил-монополия қонунчилигини бузишда айблаб, расмий айблов эълон қилди.
Айбловга кўра, “Газпром” Европа Иттифоқининг саккиз мамлакати – Эстония, Венгрия, Болгария, Чехия, Латвия, Литва, Польша ва Словакияда ўз монополистик мавқеъини суистимол қилмоқда.
Еврокомиссия “Газпром” ширкати баъзи марказий ва шарқий Европа мамлакатлари орқали эркин газ оқимига сунъий тўсиқлар яратиб, эркин рақобат қоидаларини бузди, деган хулосага келган.
Европа Комиссияси эътирозларига жавоб бериш учун “Газпром” ширкатига 12 ҳафта муҳлат берилган.
Аммо орадан бир неча соат ўтиб “Газпром” ширкати Европа Комиссияси айбловини “асоссиз” дея рад этган. Ширкат ўзи фаолият юритган барча давлатларда “қонунларга қатъий риоя қилади”, дея баёнот тарқатди.
22 апрель куни Европа комиссияси “Газпромга” “ҳалол рақобат қоидаларини бузганлик” юзасидан эътирозларини билдириши кутилмоқда.
Агар Европа комиссяси “Газпром” масаласини суд орқали ҳал этиш ҳақида қарор чиқарса, у ҳолда Россия ширкати 10 миллиард евро миқдорида жаримага тортилиши мумкин.
.
