Доллар келмай қўйди. Тошкентда уй нархи тушиб кетди

Доллар келмай қўйди. Тошкентда уй нархи тушиб кетди

Тошкентда кўп қаватли уйлар¸ шунингдек, хусусий ҳовлилар нархи пастлай бошлаган. Бу пастлаш тенденцияси Россиядан келаëтган доллар миқдорининг кескин қисқариши билан боғлиқ тарзда келаси ойлар яна-да кучайиши башорат қилинмоқда.

Тошкентда уй олди-бердиси билан шуғулланиб келаëтган даллоллар апрель ойига келиб пойтахт кўчмас мулк бозоридаги нархлар йўналиши турғунликдан чиқиб пастга қараб кета бошлаганини айтади. Уларнинг айтишича, нарх ўтган ойларга қараганда 3-4 минг долларга тушган. Талаб ва таклиф нисбатида фарқ катта, талабдан таклиф кўпроқ ҳозир. Бозор ўлди, дейиш қийин, лекин анча сустлашгани бор гап.

Тошкент кўчмас мулк бозоридаги нархлар динамикасини мунтазам таҳлил қилиб келаëтган CREDO MAX ESTIMATION баҳолаш гуруҳи ўз сўнгги ойлик ҳисоботида апрель ойига келиб пойтахт квартиралари нархидаги ўсиш тўхтаганини эълон қилган эди. Гуруҳ ҳисоб-китобига кўра¸ март ойида Тошкентдаги квартиралар ҳар метр квадрати нархи ўртача 788 АҚШ долларини ташкил этган ва бу кўрсаткич февралга нисбатан деярли ўзгармаган.

Ўзбекистоннинг энг қиммат ва кўчмас мулк бозори пойтахт пропискаси йўқларга ëпиқ қолаëтган шаҳри Тошкентда квартиралар нархининг пастлаши сабабларига тўхталган кузатувчилар бу тенденциянинг Россиядаги иқтисодий бўҳронга бевосита ва билвосита боғлиқ эканини таъкидладилар.

Бошқа кўчмас мулк мутахассислари фикрича¸ апрель ойидан кўрина бошлаган нархлардаги пасайиш узоқ давом этадиган тенденциянинг муқаддимаси бўлиши мумкин.

Таҳлилчиларга кўра¸ Россия ва бошқа хориж давлатларидан келаëтган валюта оқимининг кескин қисқариши¸ қора бозордаги доллар ва унга боғланган асосий истеъмол моллари нархининг эса аксинча ошиб бораëтгани¸ қолаверса тўй мавсумининг бошлангани ëз ойларида кўчмас мулк бозоридаги нархларнинг янада тушиб кетишга сабаб бўлиши мумкин.

Россия Федерал миграция хизмати ФМС раҳбари 2015 йилда мамлакатдаги муҳожирлар сони 70 фоизга¸ ўзбекистонлик меҳнат муҳожирлари сони эса¸ 30 фоизга камайганини эълон қилган эди.

Айни пайтда Россия Марказий банки баëнотига кўра¸ ўзбекистонлик меҳнат муҳожирларининг ватанига юбораëтган пул жўнатмалари 2015 йилнинг биринчи уч ой ичида 35 %га қисқарган ва иқтисодчилар бу жараëн аҳоли харид қувватига жиддий таъсир қилганини таъкидламоқда.

Харид қувватининг заифлашиши эса¸ кузатувчилар фикрига кўра¸ авваламбор кўчмас мулк бозори¸ шунингдек машина каби ҳашамат моллари савдосида акс этмай қолмайди.

Ўзбекистондаги ярим расмий нашрларнинг ëзишича¸ Ўзбекистонда яқин тарихда илк бор минилган машиналар нархи 25-30 фоизга арзонлаган.

2011-2013 йилларда Тошкентдаги квартира ва хусусий ҳовлилар нархи ундан олдинги йилларга нисбатан 12¸6-16¸3 фоизга ошган бўлса¸ 2014 йилда бу ошиш 10¸7 фоизни ташкил қилган эди.

Бўлишинг:

Муҳаррир танлови

Шуҳрат абдураҳмонов тадбиркорларга «футбол солиғини» солмоқда

Андижон вилоятининг ҳокими Шуҳрат Абдураҳмонов Ўзбекистон Суперлигасининг 2019-йилги сезонига тайёргарлик қилиш доирасида вилоятдаги тадбиркорларга 8,5 миллиард сўмдан ($964) ...

Халқаро пул ўтказмалари чекловларсиз амалга оширилади

Ўзбекистон Марказий банки жисмоний шахсларнинг халқаро пул ўтказмалари юзасидан ахборот берди. Ахборот матни 1 апрель, сешанба куни молия муассасаси расмий сайтида эълон ...

Ўзбекистонда доллар ва евро курси кўтарилди

Ўзбекистон Марказий банки 7 майдан хорижий валюталарнинг сўмга нисбатан янги қийматини белгилади. Унга кўра, 1 АҚШ доллари ўтган ҳафтадаги курсга нисбатан 3,40 сўмга ошиб, ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400