Ўзбекистон матбуот эркинлиги бўйича энг ёмонлар рўйхатида

Ўзбекистон матбуот эркинлиги бўйича энг ёмонлар рўйхатида

Вашингтонда жойлашган “Фридом хаус” ҳуқуқни ҳимоя қилиш ташкилоти дунёда матбуот эркинлиги ҳолати ҳақидаги ҳисоботни эълон қилди. Унда таъкидланишича, дунё аҳолисининг атиги 14 фоизи матбуот эркин бўлган мамлакатларда яшайди.

Шунингдек, 2014 йилда дунё бўйича матбуот эркинлиги билан боғлиқ вазият ёмонлашгани ва сўнгги ўн йилдаги энг қуйи даражага тушгани айтилган.

Бу йилги ҳисобот 199 мамлакатни қамраб олган бўлиб, уларнинг рўйхати “матбуот эркин”, “қисман эркин” ва “эркин эмас” гуруҳларига ажратиб чиқилган. Маълум бўлишича, дунё аҳолисининг 42 фоизи матбуот қисман эркин, 44 фоизи эса эркин бўлмаган мамлакатларда истиқомат қилади.

Рўйхатнинг илк ўнлигини Норвегия, Швеция, Бельгия, Финляндия, Нидерландия, Дания, Люксембург, Андорра, Швейцария ва Лихтенштейн эгаллади.

“Энг ёмонларнинг ёмонлари” сафида, яъни рўйхатнинг охирида Белоруссия, Қрим, Куба, Экваториал Гвинея, Эритрея, Эрон, Шимолий Корея, Сурия, Туркманистон ва Ўзбекистон бор.

Рўйхатда Ўзбекистондан кейин фақатгина Шимолий Кореяни кўриш мумкин.

Қирғизистон (148-ўрин), Тожикистон (179) ва Қозоғистон (185) ҳам матбуоти эркин бўлмаган мамлакатлар сафига қўйилган.

Россия эса матбуот эркинлиги бўйича Эфиопиядан кейинги – 181-ўринни эгаллади.

Бўлишинг:

Муҳаррир танлови

Самарқанд вилоятидаги тўртта туман давлат солиқ инспекциялари бошлиқлари алмашди

Самарқанд вилоятидаги бир қатор туман давлат солиқ инспекциялари бошлиқлари ўзгарди, деб ёзади «Зарафшон» газетаси. ҲАМРОЕВ Ғолибжон Эгамқулович Самарқанд вилояти Оқдарё ...

Мамлакатни ким бошқараяпти? (11)

                                                    (ўн биринчи мақола)                                     ҚУРИЛИШДАГИ ҚАЛЛОБЛИКЛАР  Қурилишдан мақсад нима? Албатта, аввало ...

Ҳолвани ҳоким ейди…(ми?)

ҲОЛВАНИ ҲОКИМ ЕЙДИ...(МИ?) Ҳоким буваларга очиқ хат Охирги пайтларда айрим вилоят, шаҳар ва туман ҳокимларининг «хурмача» қилиқлари оммага ошкор бўлиб, аҳолининг, қолаверса, ...