БМТнинг Қочқинлар бўйича олий комиссари бошқармаси маълумотига қараганда, дунё бўйича 38 миллион киши турли низолар ва инсон ҳуқуқларининг қўпол бузилиши туфайли ўз юртида қочқинга айланган. Ўтган 2014 йилда “ички қочоқлар” сони 11 миллионга кўпайди.
Ўз давлатида бўлгани учун уларга қочқин мақомини берилмайди, устига-устак, ҳукуматлар ҳар доим ҳам бундай кишиларни керакли ҳимоя ва ёрдам билан таъминламайди. Улар ташқи дунёдан ва ташқи ёрдамдан ҳам узилиб қолган. “Ички қочқинлар” сони бўйича Ироқ, Сурия, Колумбия, Судан ва Конго Демократик Республикаси етакчилик қилади.
Ўтган йили 600 минг украиналик ҳам ўз юртида қочқинга айланган.