Ўзбекистон Марказий банки Россия оммавий ахборот воситаларида, жумладан, Россия -24 телеканалида жисмоний ва юридик шахслар учун валюта операциялари тўхтатиб қўйилгани тўғрисида тарқатилган хабарларни бўҳтон ва уйдирма, деб атаган.
Марказий банкнинг 25 май куни эълон қилинган баёнотида айтилишича, Ўзбекистонда “хорижий валютани сотиб олиш ёки сотиш операциялари чекловларсиз амалга оширилмоқда”.
Банк Ўзбекистонда валюта чекловларини киритишга ҳеч қандай асос йўқлигини таъкидлаган.
“Айни пайтда 1 АҚШ долларининг расмий алмашув курси юқорида номи келтирилган Россия телеканали баён этганидек 5000 сўм эмас, балки 2527 сўмдир”, дейилади баёнотда.
Марказий банк шу муносабат билан Россия матбуотида раддия берилишини талаб қилган.