“Зўр ТВ” очилгани ҳақиқатда “зўр” иш бўпти…

“Зўр ТВ” очилгани ҳақиқатда “зўр” иш бўпти…

Ўткир Қаламтебратар

Ошкоралик дейсизми, демократия, сўз эркинлиги ёки ўта-ўта замонавийлик дейсизми, ҳаммаси мужассам экан-ей.

Қаердан билдинг, дейсизми?

Кеча, тасодифан бир кўрсатувга кўзим тушиб қолди. Саҳнада уч қаҳрамон: бошловчи, “Ҳасан Ва Ҳусан” триоси ва Умидахон исмли хонанда, яъни эстрада “юлдузи”, “Ниҳол” Давлат мукофоти совриндори!

Хуллас, бошловчи шарт қўйди. Ҳалиги трионинг ҳар бир аъзоси залда ўтирган томошабинларнинг у ёки бу шахсий матоҳини бир муддатга олиб туриши ва уларни “Ниҳол” Давлат мукофоти соҳибасига мақтаб-мақтаб сотиши керак.

“Ҳасан”нинг қўлида қулоқчин, “Ва”нинг билагида соат, “Ҳусан”нинг илкида кўзойнак. “Ниҳол” Давлат мукофоти соҳибаси улардан бирини танлаши керак.

Трио аъзолари қўлларидаги “моллар” хусусиятини санай кетди. Бириси ундай деди, бириси бундай. Аммо энг зўр таърифни “Ҳусан” берди.

Яъни, у қўлидаги кўзойнак жуда “ғаройиб” хусусиятга эга эканлиги, уни таққанлар одамларни онадан қандай туғилган бўлса, шундайлигича кўра олиши мумкинлигига очиқ-ойдин ишора қилди. “Ҳусан” шоввоз буни хатти-ҳаракатлари билан ҳам ифодалаб берди.

Охири нима бўлди, деяпсизми? Нима бўларди, “Ниҳол” Давлат мукофоти соҳибаси айнан кўзойнакни танлади… Залдагилар ҳам увуллаворди-ей, бўлди қарсак, бўлди олқиш…Ҳаммаси “Ниҳол” Давлат мукофоти соҳибасига аталган!

Хўш, шундан кейин ҳам ким айтада бизда сўз эркинлиги йўқ деб?!

Яшасин “Зўр ТВ”!
https://www.facebook.com/permalink.php?story_fbid=292194141233440&id=100013285682663

Бўлишинг:

Муҳаррир танлови

Эрдўғанга “суиқаст” уюштирилиши ҳақидаги фильм режиссёри ҳибсга олинди 

7 сентябрда туркиялик кинорежиссёр Али Авчи “Уйғониш” бадиий фильмида террорчиликни тарғиб қилгани учун жазоланди. Бу ҳақда Reuters ахборот агентлигига асосланиб Кун.Уз. ...

2019 йилнинг рамазон ойи таҳминан 6 майда бошланади

Ўзбекистонда муқаддас Рамазон ойининг бошланиши янги ой чиқишига қараб 5 ёки 6 майга тўғри келади. Бу ҳақда Ўзбекистон мусулмонлари идораси хабар қилди. Рамазон ойи ...

Меҳрибонлик уйини тамомлаган ёшларнинг 44,1 фоизи ишсиз

Ялпи мажлисда ота-оналар қаровисиз қолган, меҳрибонлик уйларида тарбияланган ёшларнинг жамиятга ижтимоий мослашувидаги долзарб масалалар юзасидан Ўзбекистон Республикаси ...