“Азиз ватандошлар, Тошкент вилояти Тўйтепа шаҳрига бир келиб кўринг! Бу ерда ҳокимлик ҳал қилолмайдиган муаммолар жуда кўп.
Мисол учун, Қўйлиқ-Тўйтепа йўналишида қатнайдиган “Дамас”лар хизмат ҳақини ўзлари хоҳлаганича оширади. Ҳокимликлар буни жуда ҳам яхши билади. Лекин, аралаша олмайди. Қанақадир “катта ака”га тегишли экан.
Иккинчи масала – бу Тўйтепа марказида жойлашган поликлиникадаги кўп сонли камчиликлар. Врачлар етишмайди ёки кеч келади. Беморлар эрта тонгдан навбат олиб, тушликкача кутиб ўтиради. Врачлар қачон келишини ҳеч ким аниқ билмайди. Улар эса хоҳлаган вақтда келадида ва яна дўқ-пўписа қилади”.