Муаммо олиб чиқилди, аммо…

Sof.uz ўқувчиларига маълумки, ўтган ҳафтада Фарғона вилоятида ўқитувчилар мажбурий меҳнатга жалб этилаётганлиги хусусида аудиёзувли мақола эълон қилинди. Орадан ўтган вақт мобайнида мақола турли сайтларда қайта нашр этилди, ижтимоий тармоқларнинг минглаб аъзолари томонидан қизғин муҳокама қилинди. Барча ўқитувчиларнинг бу қадар камситувчи оҳангда мажбурий меҳнатга жалб этилишини қаттиқ қоралаб, эътирозли изоҳлар қолдирди. Бироқ ташхис қўйилди, дарднинг давочи-чи?

Сайтимиз воқеадан сўнгги аҳволни турли манбалардан атрофлича ўрганишга ҳаракат қилди.

Манбалардан бирининг айтишича, ўқитувчиларни мажбурий меҳнатга жалб этишни йўқ қилишга ҳаракат сезилаётганлиги йўқ. Ҳануз устозлар дала ишларида жавлон урмоқда.

Мутасаддилар бунинг ўрнига аудиони ёзиб олган одамни қидириш билан банд. Гумондорларни Қуръон тутқаздириб онт ичказишга ҳам уринишган.

Ўрта поғонадаги айрим раҳбарларнинг билдиришича, шов-шувли мажлисда иштирок этмаганлар хурсанд бўлмоқда. Чунки улардан ҳеч ким ёзиб олганликда шубҳаланмайди. Юқоридагиларнинг буйруғига “лаббай” деб жавоб берувчилар “чиқаришгани нотўғри бўлди, муаммо биргина бизнинг туманда эмас-ку”, дея атрофдагиларга тасалли улашмоқда.

Бироқ сўзлашганларимиздан яна бири мақола атрофидаги муносабатлардан кейин ўқитувчига ҳокимият мулойимроқ оҳангда иш бажартираётганлигини қўшиб қўйди.

“Ўқитувчиларни мажбурий меҳнатга жалб этиш муаммосининг ечимини нимада кўрасиз?” деган саволимизга, тажрибали мураббийлардан бири шундай жавоб берди:

– Ўн йиллар муқаддам халқ таълими ходимлари бунчалик кўп ортиқча ишларга мажбурланмас эди. Менинг фикримча, халқ таълими бўлимларини ҳокимият ихтиёридан олиб, тўғридантўғри Халқ таълими вазирлигига бўйсунадиган қилиш керак. Шунда ўқитувчини ортиқча ишлар билан камроқ безовта қилишади ва у чалғимасдан болаларга таълим беришга бор кучини сарфлайди.

Ўйлаб кўрса арзийдиган таклиф. Келинг, устозларимизни меҳнатга мажбурловчи пешволарнинг қўл остидан аста-секинлик билан чиқаришнинг чорасини кўплашиб излаймиз? Сиз нима дейсиз?

http://sof.uz/news/show/10393-muammo-olib-chiqildi-ammo

Бўлишинг:

Муҳаррир танлови

Гап бошқа, иш бошқа: ўқитувчи ва шифокорлар мажбурий меҳнатга жалб қилинмоқда!

Фото: Иллюстратив сурат Мен шу йил 27 июнь куни Ўзбекистон телевидениеси орқали, «Маданият ва маърифат» каналининг «Очиқ студия» кўрсатувида ўқитувчилар кўча тозалаш ...

“банкдан валюта сўрасам, олдин раисга миннатдорчилик билдиринг дейишди”

  "Бир масала бўйича мурожаат қилмоқчи эдим. Зора ишим битиб қолса. Ўзим талабаман. Четда ўқийман. 2017 йил 1 июль куни Сирдарё вилояти АКИБ "Ипотека Банк"ка валюта олиш ...

Омонулла мадаев вафот этди

2 март куни таниқли фольклоршунос олим, филология фанлари номзоди Омонулла Мадаев вафот этди. Омонулла Мадаев 1942 йилнинг 20 майида Тошкент шаҳрида туғилган. 1964 йил ...