Бошқа мавзулар
“Тошкент вилояти Зангиота тумани Ҳасанбой ҚФЙда жойлашган шифохонанинг аҳволини суратга олиб, сизларга жўнатмоқдаман. Шифохонанинг ён-атрофи у ерда турсин, ички ҳудуди ҳам гўнг ва ахлатга тўлган.
Қандай қилиб бу ерда даволаниш ёки шифо топиш мумкин? Маҳалла раислари ҳам бу аҳволга бепарво. Бу ҳолат учун биринчи бўлиб Давлат санитария-эпидемиология назоратининг ходимларини жавобгарликка тортиш керак. Негаки, бу ҳолат бир ой ёки бир йилдан бери давом этаётган ҳолат эмас. Мен билганим, касалхона 7 йилдан бери шу аҳволда қолмоқда. Бирор марта, ён-атрофи у ерда турсин, ички ҳудудини тозалаганини кўрмаганман”.
