“Самарқанд вилояти Пайариқ туманидаги Пойканалнинг Зарбулоқ қишлоғи ҳудудидан оқиб ўтадиган қисмида эр ва хотин “Жигули” машинаси билан бирга чўкиб ўлди. Фожиа 30 июл куни соат тахминан 16:00-17:00 атрофида бўлган. Одамларнинг айтишича, машина сувга тушиб кетгандан кейин, атрофдаги мол ҳайдаб ўтаётган болалар чиқаришга ҳаракат қилишган.
Аммо тажрибасизлик қилишганми, қутқаришнинг уддасидан чиқмаган ва машинани сув тортиб кетган. Сўнгра, тўғонга қадалиб, уларни чиқаришнинг иложи бўлмаган. Орадан 1,5 соатлардан кейин одамлар кўпайиб, чиқариб олишган.
Фожианинг асосий сабаби, кўприкнинг яроқсиз ҳолатга келиб қолганида, деб биламан. Чунки машина айнан кўприк устидан қулаган. Агар тўсиқлари бўганида, тушмас эдими… Наҳотки, бу кўприкни таъмирлашга масъул кишилар бўлмаса?! Кўприк Зарбулоқ қишлоғи “Хоса” маҳалласига қарашли”.
(Озодликдан: Воқеани Пайариқ туман ИИБ ходими тасдиқлади)
https://www.ozodlik.org/a/sizdan-telegram-kuprik-oila-vafot-etdi/28652863.html