Бошқа мавзулар
“Мен 2014-15 йилларда Фарғона ДВД сида хизмат қилдим. Ўзим хоразмликман. Хизмат чоғида 1 ой карантинда бўлдик. Қолган 11 ой “дух” бўлиб юрдик, лекин “дух”, “дембел” йўқ дейишади. Бўлганиям яхши экан. Нега десангиз, 6 ой “дух” бўлсанг, 6 ой “дембел” бўласан. Ҳозир эса, аскар 12 ой “дух”, “дембел” эса сержант ва офицерлар. ГДО бўлимида хизмат қилдим. Ўйлаб кўринг, казарма қишда умуман исимайди, ойналари часть қурилаётган пайтда руслар томонидан ўрнатилганича турибди.
Свет ўчишини айтмайсизми, айниқса жанговор навбатчиликда турганизда. Солдатларга бериладиган «получка» бор. Ойига 250 мингдан бошланувди 6 ойгача ошмаган. Ўшанинг «доля»сини ҳар аскардан олдин сержантлар кейин офицерлар оларди. Бермасангиз уришади ёки қаттик қийнашади, кейин ишларга ва навбатчиликларга фақат сизни кўяверади. Армияда ота-онангиз йўқ сизнинг ёнингизни оладиган. Катталарга айтиб қўйсайиз, ўзингизни ўзингиз суицид қилишга мажбур бўласиз бир йил давомида. Битта хоразмлик бола шу йили 3 чи этаждан ўзини ташлаган. Борганимдан хизмат тугагунча льгота оламан, деб куну тун нарядлардаям кечасиям китоблар ўқиб, яхши тайёргарлик кўргандим, лекин ололмадим, чунки 3.5-4 миллион сўмга сотиб олишга улгиришган экан. Ҳеч китоб ҳам ўқимай, тайёорлан ахир сен ҳам десак, улар “эээ менга керак эмас, нима қиламан мен льготани каллам бўлмаса?” деб юришарди. Лекин улар амалда аллақачон ишни пишириб қўйишган экан. Бухоролик битта офицер (номиниям эслолмайман) хаммага льготани сотиб юрган экан”.
https://www.ozodlik.org/a/sizdan-telegram-armiya/28654939.html
