“Балларим етарли эди, лекин ноҳақлик қилишди, Сингапурга олишмади” (ВИДЕО)

“Мен бу йил Сингапур менежерлик ва туризмни ривожлантириш университетига (МДИСТ) имтиҳон топширдим. Лекин, минг афсуслар бўлсинки, ноҳақ ўқишга кира олмадим. Бу университетнинг расмий сайтида IELTS-дан 5,5 балл олган бола автоматик равишда 60% олади дейилган. Лекин мен IELTS-дан 6,5 балл олганман. Лекин менинг умумий баллим 48% ни ташкил этмоқда. Қандай қилиб бундай бўлиши мумкин? Ҳаттоки, 7-7,5 балл тўплаган ўқувчиларнинг баъзилари 50%дан кам балл тўплади. Бу университетга бу йил математика имтиҳони қўйишган эди. Математика фанининг ҳамма саволларига тўлиқ жавоб берган абитуриент 40% ни автоматик тарзда олади. Математика имтиҳонида жавоблар варағини фақат қаламда тўлдиринг, дейишди. Агар ручкада тўлдирсангиз, компютер жавобларни қабул қилмайди, дейишди. Қалам билан ёзилган жавобни ҳар қандай вазиятда ўчириб ташлашлари мумкин-ку. Мана икки кундирки университет эшиги ўнгида катта жанжаллар бўлаяпти. Бундай ноҳақликлар қачонгача давом этади?”

​———————————————————————-

https://www.ozodlik.org/a/sizdan-telegram-singapur-universiteti/28684039.html