Акциз солиқларининг туширилиши нимани англатади?

 

Энди четдан келадиган гўштларга акциз солиғи солинмайдиФото муаллифлик ҳуқуқиUZA.UZ
Image captionЭнди четдан келадиган гўштларга акциз солиғи солинмайди

Ўзбекистон бирламчи озиқ-овқат ва ем нархларига акциз солиғини олиб ташлади. Мутахассислар ушбу чоралар нархларнинг тушишига хизмат қилиши ёки конвертация очилиши жараёнида нархлар қимматлашувининг олди олинишига қаратилганини тахмин қилмоқда.

Президент Мирзиёевнинг 15 августдаги қарорига мувофиқ 1 сентябрдан бошлаб кундалик эҳтиёж учун зарур озиқ-овқат ва ем маҳсулотларига акциз солиқларини бутунлай бекор қилиш ёки кескин тушириш кўрсатилган.

Қарорга мувофиқ четдан кириб келадиган ушбу товарларга божхона томонидан солинадиган солиқлар айрим ўринларда бутунлай бекор қилинганини кўриш мумкин.

1 сентябрдан бошлаб сариёғ, соя ва кунгабоқар ёғи, уруғлик маҳсулотлар картошка, буғдой, маккажўхори, жавдари, арпа каби маҳсулотларининг акциз солиғи олиб ташланган.

Ем маҳсулотларига акциз солиғи 70 фоиздан 10 фоизга туширилган. Картошкага олиб киришга солинган солиқ 20 фоиздан нольга туширилган. Шунингдек, 20 фоиз бўлган кунгабоқар ёғи солиғи ҳам йўқ қилинган.

Энг катта ўзгаришлардан бири гўшт ва гўшт маҳсулотларига бўлган. Шу вақтгача 30 фоиздан 70 фоизгача олинган гўшт ва гўшт маҳсулотларига акциз солиғи бутунлай олиб ташланган.

Бундан ташқари унга солинган 11 фоизлик акциз солиғи ҳам бутунлай олиб ташланган.

Мутахассислар ушбу ўзгаришларни сентябр ойида очилиши кутилаётган конвертация жараёнида аҳоли имкон қадар камроқ зарар кўриши учун қилинаётган қадам сифатида баҳоламоқда.

Ун, ёғ ва гўшт маҳсулотларига акциз солиқларининг бекор қилиниши нарх-навонинг тушиши ёки кескин кўтарилиб кетишининг олдини олишига сабаб бўлиши кутилмоқда.

“Яъни акциз солиғисиз ва ноль ставкада бож қўлланиб, мамлакат киритилган импорт маҳсулотлари маҳаллий ишлаб чиқарувчиларни ҳам сергакликка, рақобатга ва сифатга чорлайди. Ўз-ўзидан спекулятив равишда нархларнинг ошиши эҳтимоли пасаяди”, – деб ёзади ушбу қарорга муносабат билдирган ўзбекистонлик.

Ўзбекистонда Президент Ислом Каримов даврида турли маҳсулотларга шу жумладан озиқ-овқат маҳсулотларига ҳам юқори акциз солиғинги ушлаб туриш афзал билинарди.

Ушбу амал мамлакат ичидаги тадбиркорларни қўллаб-қувватлаш учун қилиниши айтилган. Бироқ кузатувчилар амалда ушбу чоралар монополияга хизмат қилгани ҳамда рақобатга чидамсиз, сифатсиз маҳсулотлар ишлаб чиқарилишига олиб келганини айтишади.

Иқтисодчилар мамлакат ичидаги ишлаб чиқарувчилар очиқ рақобатга бардош бера олсагина яшаб кетишини ва бунинг оқибатида халқ олдида танлов пайдо бўлишини айтишади.

http://www.bbc.com/uzbek/uzbekistan-41003065

Бўлишинг:

Муҳаррир танлови

Наманганда тадбиркордан 300 доллар пора олган солиқ раҳбари қўлга олинди

Наманганда хусусий тадбиркордан 300 доллар пора олган солиқ инспекцияси бўлим бошлиғи қўлга олинди, дея хабар берди Ўзбекистон ИИВ Коррупция ва иқтисодий жиноятларга қарши ...

Ўзбекистонда 1 мартдан телефон қўнғироқларининг нархи қимматлашади

«Ўзбектелеком» АК 1 мартдан телекоммуникация универсал хизматлари тарифлари ўзгариши ҳақида маълум қилади. Иллюстратив фото Киритилган ўзгаришларга мувофиқ шаҳар ва қишлоқ ...

Бухдунинг «духи». 40 кун «чилла сақлаган» хат ва «ички низом» қуввати ҳақида икки оғиз…

Тақдир – турмуш  қурганимиз боис рафиқамнинг таҳсилини Жиззах педагогика институтидан Бухоро давлат унверситетига (БухДУ)  кўчиришга тўғри келди. Кимга қандай бўлган ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400