“Ўзбекистон телевидениясидан фойда йўқ… Оғизда бор, амалда йўқ экан” (ВИДЕО)

“Бизлар Ўзбекистон МТРК Медиамарказининг олдида ўтирибмиз. Ногирон фарзандим ҳам бу ерда. Кўпчилик бўлиб келганмиз. Биз бу ерга ёрдам излаб, журналистларга дардимизни айтишга келдик. Соат 5 дан бери шу ерда ўтирибмиз.

Бирон бир инсон биздан “нимага ва кимни кутиб ўтирибсиз?”, деб сўрамаса. 16 сана куни ҳам келгандик. Ўшанда ҳам қабул қилишмади. Биз узоқдан нажот излаб келган эдик. Бир одам чиқиб, бизларга “бўлди, муаммо ҳал бўлди, қайтиб кетаверинг”, деб, бизнинг қўйнимизни пуч ёнғоққа тўлдириб, манзилимизга жўнатиб юборди. Натижа бўлмади.

Наҳотки Прес-Клуб ёки Ўзбекистон24 журналистлари бизнинг муаммозни эшитиб кўришни хоҳламаса… Ахир юртбошимиз муаммоларни “очиқ ойдин олиб чиққин”, деб айтмоқдаларку… Ҳаммаси ёлғонми?

Ҳозир яна қайтиб келдик. Шу ерда ўтирибмиз. Ҳозир эса яна қандайдир одам МХХ ходимлари билан бирга тушиб, бу ердан кетишимизни талаб қилмоқда. “Ўтираверсанг, милицияга олиб кетаман” дейди. “Вазирлар маҳкамасининг олдида бориб ўтиргин” демоқда.

Қисқаси, Ўзбекистон телевидениясидан фойда бўлмади. Оғизда бор, амалда йўқ экан. Ҳаммаси қуруқ гап экан”.