“Коттежларни президентга кўз-кўз қилишади, лекин халқ зимистонда яшамоқда”

“Мен сизларга Наманган вилояти Косонсой тумани Навбаҳор МФЙ Булоқ коттежлар массивидан ёзмоқдаман. Бизда ҳали ҳам фуқаролар шикоят ва мурожаат қилишдан қўрқишади.

Булоқ массивида жойлашган коттежлар намунавий уйлар деб ҳисоблансада, маҳалламиз қаровсиз чўл жойга ўхшаб қолган. Вилоят ҳокимлари, президент келишига, Орзу МФЙдаги янги коттежларни бутун республикага кўз-кўз қилишган. Бунақа кўзбўямачиликдан қачон қутиламиз? Кимга бу керак?

Бу ўзини ва халқнинг кўзини бўяш, алдаш эмасми? Ҳайронман, бизнинг коттежлар 2009 йилда қурилиш бошланган ва шу йил ҳам қўшимча коттежлар қурилмоқда, лекин минг афсус, ҳаммаси кўз бўямачилик учун, “мендан сенга ўтганча” деса ҳам бўлади. Уйларнинг сифатини гапирмаса ҳам бўлади. Майли, уларни ўзимиз бир амаллаб таъмирлаб олмоқдамиз. Лекин инфратузилмани фуқаролар ўзлари қила олмайдию.

Вилоят ва туман раҳбарларига сув муаммоси бўйича бир нечта фуқаролар 2009 йилдан бери мурожаат этишган бўлсада, мана туманда 2 та ҳоким ўзгарди, лекин муаммолар ўзгаргани йўқ. Қоронғи тушиши билан маҳалламиз зимистонга айланади. Янги ҳоким Баҳодир Юсупов келиб, маҳаллага кираверишда, 7 та кечқурун ёритиш столбасини ўрнатди ва “Косонсой туманига хуш келибсиз” деган пано қилдирди. Чу панодан 50 метр ўцангиз, зим-зимистон қоронғуликга кириб борасиз. Бундай сохта ишлар кимга керак?

Фуқаролар учун шароит яратиб беришнинг ўрнига ўзини, раҳбарият олдида, мақтайдиган мулозимлар бор экан.”

​———————————————————————-

https://www.ozodlik.org/a/sizdan-telegram-zimiston/28707668.html

Бўлишинг:

Муҳаррир танлови

Манқуртликка етаклайдиган иллат ёки муштумзўр раҳбарлар ойдан тушганми?

Президент Шавкат Мирзиёев жиноятчиликнинг олдини олиш масалаларига бағишланган видеоселекторда одамларга қўпол муносабатда бўлаётган, уларга ҳатто қўл кўтараётган ҳоким ва ...

Асли ўзбекистонлик ақш фуқароси зокир алиев озод қилинди

Ўзбекистондан олинган хабарларга кўра, бундан бир неча кун олдин терроризмга алоқадор айбловлар билан гумонланиб Қашқадарё вилоятида ҳибсга олинган АҚШ фуқароси Зокир Алиев ...

Ўзбекистонда хусусий нотариал идоралар ташкил этилади

2020 йил 1 январдан хусусий нотариал идоралар ташкил этилади. Бу президент томонидан имзоланган «Ўзбекистон Республикасида нотариат тизимини тубдан ислоҳ қилиш ...