Остонадаги қурилишда ҳалок бўлган икки қурувчи Ўзбекистон фуқаролари бўлиб чиқди. Бу ҳақда Қозоғистон пойтахти маъмуриятига таяниб, ОАВ хабар берди.
Ҳодиса 17 сентябрь куни Сариарка туманидаги қурилиш иншоатида куннинг ярмида юз берди. Қурилаётган бинонинг девори ва шифт панеллари қулаб тушди.
Ҳодиса жойида икки киши ҳалок бўлди, жароҳат олган учинчи қурувчи шифохонага ётқизилди. Унинг саломатлиги ҳақида хабар берилмади. Уларнинг ҳаммаси Ўзбекистон фуқароларидир.
Иншоат буюртмачиси «К.Саяхат» компанияси, бош пудратчи эса ЭКО-ЖС компаниясидир.
Ҳодиса юзасидан тергов ишлари олиб борилмоқда.