Наманган вилоятининг Чуст туманидаги масжидларда ҳар жума мана шундай рейд ўтказилиб, далолатнома тузилар экан. Агар рейд давомида масжидда вояга етмаганлар борлиги аниқланса, улар ҳайдаб чиқарилади. Эҳтимол, масжид имоми ва мактаб маъмуриятига нисбатан чора ҳам кўрилар? Буни аниқ билмайман.
Муаллиф: Индамасхўжа Камгапхўжа Ўғли исмли “Фейсбук” фойдаланувчиси
Тасаввур қиляпман: ҳар якшанба черковларда ҳам шундай рейдлар ташкил қилинса ва руҳонийлар вояга етмаганлар черковга келмаганини тасдиқлаб, далолатномага имзо чекиб беришса. Ҳар шанба синагогларда рейд ташкил қилинсаю, у ерда вояга етмаган яҳудий болалар ҳайдаб чиқарилса. Қонун дегани ҳаммага баробар бўлиши керакку, тўғрими?
П.с. Масжид номи ва исмлар расм муаллифининг илтимосига кўра беркитилди. Сурат бироз хира олинган. Лекин ундаги ёзувларни ўқиса бўлади.