Тожикистонда двигатель ишдан чиққач, самолёт фавқулодда қўнди

“Точик Эйр” авиакомпаниясининг Хорогдан Душанбега бораётган АН-28 самолёти бир неча дақиқа парвоз қилгандан сўнг Тоғли Бадахшон муxтор вилоятининг маъмурий марказига қайтишга мажбур бўлди, деб хабар қилди Тоғли Бадахшон автоном ҳукумати раисининг матбуот котиби Нилуфар Аслоншоева.

Дастлабки фаразга кўра, самолёт двигателларининг бири ишдан чиққан. Нилуфар Аслоншоеванинг сўзларига кўра, йўловчилардан ҳеч ким жабрланмаган. 25 нафар йўловчининг ҳаммаси кейинроқ МИ-8 вертолёти билан пойтахтга жўнатилди, деб хабар қилади у, Хорог шаҳар аэропортининг бошлиғи Шуҳрат Мақсудшоевга ҳавола қилган ҳолда.

Хорогга Душанбедан мутахассислар етиб келди. Улар “Точик Эйр” авиапаркидаги ягона АН-28 самолётини таъмирлайди. Ушбу самолёт шунгача Душанбе-Хорог-Душанбе йўналиши бўйича кунига икки марта парвоз қиларди.

Ижтимоий тармоқлардан фойдаланувчилар самолёт учиши билан двигателлардан бири ишдан чиққани, лекин учувчилар фожианинг олдини олгани ҳақида хабар қилишди.

2015 йилда Skytraxконсалтинг ташкилоти «Точик Эйр»ни дунёдаги 23 та энг ёмон авиакомпаниялар рўйхатига киритган эди.

Бўлишинг:

Муҳаррир танлови

Асака: “ҳамкорбанк”нинг зўравонлари

Мамлакатимиздаги миллионлаб "дангасалар" қаторида жияним ҳам чет элда тирикчилик қилиб юрибди. Куни-кеча синглимга ишлаб топган пулидан жўнатган экан. Синглим пулни олиш учун ...

“касалхона деворларининг олдида хушсиз ётган одамга докторлар парво қилмади”

  0:01:44/0:02:01 Бевосита линк "Бу алкаш эмас! Иссиқда хушидан кетиб қолган одамдир, холос. Бу воқеанинг гувоҳи бўлдим. Тошкентда юзага келган ҳолатдир. 4-шаҳар ...

Ҳукумат талабларимизни бажармагунча гаровдаги аскарлар қўйиб юборилмайди

«Ҳукумат бизнинг талабларни бажармади, демак, биз бу ердаги аскарларни қўйиб юбормаймиз»,- деди Алмазбек Атамбаевнинг маслаҳатчиси Фарид Ниязов. Унинг журналистларга берган ...