Тожикистонда амалдор ярим миллион доллар пора олаётганида ушланди

Тожикистонда амалдор ярим миллион доллар пора олаётганида ушланди

Тожикистон Иқтисодий тараққиёт вазирлигининг минтақалар ривожланиши ва инвестицияларни программалаштириш Бош бошқармаси бошлиғининг ўринбосари Асқар Нурализода катта миқдорда пора олаётганда қўлга олинди, дея 3 октябрь куни хабар берди Тожикистон молиявий назорат ва коррупцияга қарши кураш Агентлиги.

Аксилкоррупция муассасаси вебсайтининг хабарига кўра, давлат амалдори 490 минг долллар миқдорида пора олаётганида ушланган. Ҳибсга олиш 28 сентябрь куни Душанбе шаҳридаги Шамси кўчасида жойлашган «Афсона» ресторанида амалга ошди. Унинг уйи агентлик ходимлари томонидан тинтув қилинганида 10 минг доллар топилган.

Хабарларга қараганда, Асқар Нурализода Жалолиддин Балҳи туманида истиқомат қилувчи кимсадан 1 миллион доллар сўраган. Бунинг эвазига 2016-2020 йилларга мўлжалланган инвестициялар Давлат дастурига Хатлон вилоятидаги мазкур туманда паррандачиликни ривожлантириш борасидаги пункт киритилишига ваъда берган.

Аксилкоррупция муассасининг хабарига кўра, Иқтисодий Тараққиёт вазирлигининг амалдори рафиқаси учун пойтахтдаги янги қурилаётган мавзедан 70 минг долларга тенг уй сотиб олишни ҳам талаб қилган.

ТР Жиноят Кодексининг 319 моддаси 4 қисми (“Пора олиш”) бўйича жиноий иш қўзғатилди.

Бўлишинг:

Муҳаррир танлови

Xabar.uz: “улкан бир фитна қурбони бўлиш арафасидамиз”

2017 йилнинг 20 декабрь куни «Xabar.uz» ахборот-таҳлилий портали тест режимида иш бошлади, 27 декабрдан эътиборан эса расман ОАВ сифатида фаолият юритиб келмоқда. Нашр ўз ...

Марказий осиёда қашшоқлик даражаси қисқармоқда

Марказий Осиёда қашшоқлик даражаси қисқаришда давом этмоқда, бироқ унинг суръатлари секинлашмоқда, дея Жаҳон банки матбуот хизматига таяниб «Газета.uz» хабар қилди. Янги ...

Оав: нью-йорк воқеаси ва ўзбеклар

2017 йил 31 октябрда Нью-Йоркда автоулов билан содир этилган ҳужумда 8 киши ҳалок бўлди, ўндан зиёд киши жароҳатланди. Ушбу ҳужум Нью-Йоркда 2001 йил, 11 сентябрда Жаҳон ...