Қозоғистон ташқи ишлар вазирлиги Қирғизистон президенти Алмазбек Атамбоевнинг Қозоғистон раҳбарияти номига нисбатан айтган гаплари муносабати билан «қатъий норозилик» билдиради.
Қирғизистондаги сайловолди пойгаси жараёнини шарҳлай туриб, 7 октябрь куни Атамбоев Қозоғистон президенти Нурсултон Назарбоевнинг Қирғизистон президентлигига номзод Ўмурбек Бабанов билан учрашуви чоғидаги гапларига нибатан бир қанча танқидий фикрлар баён қилди.
Қозоғистон ТИВ бу баёнотларни «масъулиятсиз, моҳиятан иғво ва сайловолди мақсадлари йўлидаги ёлғондан иборат», шунингдек, икки дўстона давлат ўртасида йўл қўйиб бўлмайдиган баёнотлар, деб айтди.
Бунда, кеча кечқурун Остона эълон қилган хабарда Қозоғистон томони қирғиз халқи билан анъанавий қардошлик муносабатларини ривожлантириш йўналишига содиқ қолиши айтилмоқда.