Тожикистоннинг ҳукмрон партияси пора билан қўлга тушган сафдошидан воз кечди

Тожикистон Халқ-демократик партияси Тожикистон Иқтисодий тараққиёт вазирлигининг минтақалар тараққиёти ва инвестицияларни дастурлаштириш бош бошқармаси бошлиғининг ўринбосари Асқар Нурализодани ўз сафларидан чиқарди.

Маълумки, собиқ амалдор куни кеча катта миқдорда пора олаётганида Тожикистон молиявий назорат ва коррупцияга қарши кураш Агентлиги томонидан қўлга олинган эди.

Тожикистондаги ҳукмрон партия марказий ижроия қўмитасининг маълум қилишича, пойтахтдаги Исмоил Сомони туман кенгаши Асқар Нурализода ваколатларини муддатдан аввал тўхтатишга қарор қилган. У ТХДП аъзоси сифатида депутат этиб сайланган эди. “Туман кенгашига муддатдан аввал сайловлар бўлиб ўтади, биз бошқа сиёсий партиялар билан биргаликда бу мандат учун кураш олиб борамиз”, – деди ТХДП ижроия қўмитасидаги маъсул ходимларидан бири.

3 октябрь куни Тожикистон молиявий назорат ва коррупцияга қарши кураш Агентлиги, давлат амалдори 490 минг долллар миқдорида пора олаётганида ушлангани ҳақида маълум қилди. Ҳибсга олиш 28 сентябрь куни Душанбе шаҳридаги Шамси кўчасида жойлашган «Афсона» ресторанида амалга ошди. Унинг уйи агентлик ходимлари томонидан тинтув қилинганида 10 минг доллар топилган.

Хабарларга қараганда, Асқар Нурализода Жалолиддини Балхи туманида истиқомат қилувчи кимсадан 1 миллион доллар сўраган. Бунинг эвазига 2016-2020 йилларга мўлжалланган инвестициялар Давлат дастурига Хатлон вилоятидаги мазкур туманда паррандачиликни ривожлантириш борасидаги пункт киритилишига ваъда берган.

Бўлишинг:

Муҳаррир танлови

Бемаврид ажал қалбимизни тиғлади

Яна бир фожеа рўй берди. Яна бир ҳалокат ўзбекистонликларнинг руҳиятини сўндирди, кайфиятини талатум, кўнглини хонавайрон қилди. Яна бир даҳшатли хабар узоқ-узоқларда рўзғор ...

Президент портали хўжакўрсинга ишламоқда

2018 йил 24-cентябрь куни Фарғона вилояти Фарғона шаҳрининг Низомий кўчаси 3-а уйда яшовчи Саидахон Бердибоева исмли аёл уй-жой масаласида Президент порталига мурожаат ...

Россия армияси сафида 30 мингга яқин қирғизистонлик йигитлар борлиги айтилмоқда

Жўғўрку Кенеш депутати Айбек Осмоновнинг айтишича, айни пайтда Россия армиясида 30 мингга яқин қирғизистонлик йигит хизмат қилмоқда. Депутат, Россия фуқаролигини олишнинг ...