Туркманистон раҳбари Оқсоқоллар кенгаши орқали бепул ижтимоий имтиёзлардан воз кечиш ниятида

9 октябрь куни Туркманистон президенти Гурбангули Бердимуҳамедов Оқсоқоллар кенгашининг мажлисида электр, газ, сув ва туздан фойдаланганлик учун босқичма-босқич тўловлар киритиб боришни мақсадга мувофиқ деб ҳисоблашини эълон қилди. Бу ҳақда маҳаллий ОАВ хабар бермоқда.

Давлат раҳбари бу имтиёзлар давлат мураккаб иқтисодий вазиятда бўлган пайтда киритилганини баён қилди. Энди эса, президентнинг фикрига кўра, Туркманистонда аҳолининг даромадлари йилдан-йилга ортиб бораяпти, кўплаб иш жойлари яратилган. Бу илгари бепул тақдим этилган ижтимоий имтиёзлар учун тўлов киритишга имкон беради.

Бунда имтиёзлардан воз кечиш ташаббуси, Бердимуҳамедов таъкидлаганидек, Оқсоқоллар кенгашидан келиб чиқмоқда.

Эслатиб ўтамиз, бепул имтиёзларни бекор қилиш ҳақидаги таклиф илк марта 2015 йилда Оқсоқоллар кенгашининг мажлиси давомида янграган эди. Кенгаш вакилларидан бири мамлакат аҳолиси «куч-қудрат ва бахт даврида шунчалик яхши яшаяптики, газ, сув ва электр учун ҳеч қандай муаммосиз ҳақ тўлаши мумкин», деган эди.

2017йил июнда президент имтиёзлар тизими тўла самарасиз бўлиб қолганини баён қилди ва уларни бекор қилишга топшириқ берди. Бунда у «имтиёзлар ҳаммага бирдек эмас, балки ҳақиқатан ҳам ижтимоий ёрдамга муҳтожларга берилиши шарт» эканлигини қўшимча қилиб ўтганди.

Бўлишинг:

Муҳаррир танлови

Жомбой туманида мактаблар мавсумга тайёр эмас

Янги ўқув йили бошланишига ҳам оз фурсат қолди. Айни кунларда ўқитувчилар жамоаси таътилдан қайтиб, машғулотларга тайёргарлик кўришяпти. Хўш, таълим муассасаларичи, янги ўқув ...

Қозоғистонда қор бўронида қолган 38 нафар ўзбекистонлик қутқарилди

Ғарбий-Козоғистон вилоятида Россиядан келаётган йўловчи автобусида 38 нафар ўзбекистонлик музлашдан қутқариб қолинди, деб ёзади “Соф.уз” сайти. Қутқарувчиларнинг айтишича, ...

Бузовада тинч аҳоли дафн этилган оммавий қабр топилди

Украина пойтахти Киев шимолида жойлашган Бузова қишлоғидаги ўнлаб тинч аҳоли вакилларининг жасадлари кўмилган оммавий қабр топилди. Бу ҳақда Дмитровка қишлоғининг раҳбари ...