Ӯзбекистон коллежларида ўқувчиларга пичоқ, циркуль ва линейкалар олиб юриш тақиқланди

Man threatening with pocket knife

Тошкент юридик коллежи ўқувчиси икки курсдошини пичоқлаганликда айбланиб ҳибсга олингани ортидан мамлакатдаги бутун коллежларда “ўқувчиларнинг совуқ қурол олиб юришига қарши” тадбирлар бошланди. Коллеж раҳбарига кўра¸эрталаб ўқувчиларни “шмон “ қилишга бир соат вақт сарфланмоқда.

Коллежларга совуқ қурол олиб кирилмаслиги ҳақида Ўзбекистон Олий ва ўрта махсус таълим вазирлигидан махсус топшириқ бор, деб xабар қилинади.

Тошкент шаҳридаги коллеж ўқитувчиси ҳар куни эрталаб соат 7 дан то 8 яримгача коллежга келаëтган ўқувчиларни текширилаётганини айтди. “Охирги ўқувчи келгунига қадар. Ҳозир анча тузук бўлиб қолди. Икки кун олдин ўқувчиларнинг сумкасию чўнтакларидан пичоқ, кастет, бита (тўқмоқ) топилди¸ смартфонларидан эса порнографик ва жангари саҳналар акс этган видеолар чиққан эди”¸ – дейди суҳбатдош.

Ўзбекистон Олий ва ўрта махсус таълим вазирлигининг коллежлар бўйича маъсул мулозимининг айтишича, шу кунларда коллежлар ўртасида ўтказилган “Олтин пичоқ” кўрик танловини тўхтатиш тавсияси берилган. Суҳбатдошга кўра¸ касб-ҳунар коллежлари ўртасида ўтказиладиган бу кўрик танлов ўсмирлар орасида “пичоқ культини” кучайтиришга хизмат қилмоқда.

Фарғона вилоятидаги туризм ва сервис коллежининг маънавият бўйича раҳбар ўринбосарининг айтишича¸ “ўқувчилар орасида пичоқ олиб юриш одатига айланиб қолган”. Бу йил мамлакат колежларида бир неча қотилликлар содир этилган.

Бўлишинг:

Муҳаррир танлови

Саида зуннунова ёки раҳбарнинг қаҳрига учраганимиз ҳақида

Ёзувчилар уюшмасида Ш. Рашидовнинг "Қудратли тўлқин" романи муҳокама бўлди. Муҳокамада алоҳида рўйхатга киритилган кишиларгина қатнашишди. К. Яшин мени ҳам рўйхатда бор деб ...

Бмт бош ассамблеяси қуддусни исроил пойтахти дея тан олмади

Бирлашган Миллатлар Ташкилоти Қуддусни Исроилнинг пойтахти дея тан олишдан воз кечди. БМТ Бош Ассамблеяси АҚШнинг Қуддус тўғрисидаги мақомини тан олмаслик борасида резолюция ...

2020 йилда мактаб ўқитувчиларининг ойлиги ошади

Президент Шавкат Мирзиёев 2020 йилда мактаб ўқитувчиларининг ойлигини оширишни топширган. Давлат раҳбари 23 август куни ўтган йиғилишда Вазирлар Маҳкамаси, Молия ва ...