Тожикистонда туберкулёзга қарши курашга диндорларни жалб қилишди

Тожикистон соғлиқни сақлаш ва аҳолини ижтимоий муҳофаза қилиш вазирлиги АҚШ халқаро тараққиёт агентлиги (USAID) кўмагида ва Дин ишлари бўйича қўмита билан ҳамкорликда диндорларни силга қарши кураш ҳамда аҳолининг бу касаллик ҳақида хабардорлигини оширишга жалб қилди.

Силга қарши кураш кампаниясининг иштирокчилари орасида Рашт тумани жамоа мачитининг имом хатиби – Каримжон Розиқов ҳам бор. У ҳар жумада диний ишлардан кейин, ибодатга келганлар билан сил мавзусини 15 дақиқа муҳокама қилади.

Натижада 80 нафар ибодат қилувчи ўзида шу касалликнинг бор-йўқлигини текширишдан ўтди ва улардан баъзилари Кох таёқчаларини юқтириб олгани маълум бўлди. Домулло Каримжон ваъзхонлик қиладиган мачитда доимий ибодат қилувчиларнинг сони 500 нафарга етади.

Шу йил августда Дин ишлари бўйича қўмитанинг тавсияси билан ўргатувчи курсларни тугатган имом хатиб соғлом турмуш тарзини, жумладан сил муаммосини тарғиб қилишга киришди. «Мен Россиядан қайтиб келганларга силни аниқлаш бўйича текширувдан ўтишни тавсия қиламан. Бу ҳар бир кишининг ўз хотиржамлиги учун зарур. Борди-ю, одам касал эканлиги аниқланса, даволашни ўз вақтида бошлаш мумкин. Шундай қилиб, сиз ҳам, оилангиз ҳам таҳдид остида бўлмайди –дейман ўз ваъзларимда», – деди у.

2015 йилдан бошлаб USAID мамлакатнинг ушбу юқумли касаллик олдида заиф бўлган 27 шаҳар ва туманларида соғлиқни сақлаш бўйича 143 та жамоатчилик қўмиталари тузди. Уларнинг 800 дан ортиқ аъзоси бор. USAID бу беш йиллик лойиҳага 13,3 миллион доллар ажратган.

Бўлишинг:

Муҳаррир танлови

Бмт: украинада 1400 дан ортиқ тинч аҳоли ҳалок бўлди

Россия босқинидан буён ўтган 40 кун ичида Украинада камида 1417 нафар тинч аҳоли, жумладан 121 бола ҳалок бўлгани тасдиқланди. Жароҳатланганлар сони бундан ҳам кўп. Бу ҳақда ...

Ўзбекистонда гўшт ва бошқа озиқ-овқат маҳсулотлари қимматлашди

Давлат статистика қўмитаси мамлакатнинг вилоят марказий деҳқон бозорларидаги айрим турдаги озиқ-овқат маҳсулотларининг минимал-максимал нархлари тўғрисида маълумот берди. ...

Кино кўзгусига эҳтиёжимиз бор (ёки бугунги кино асарлари ҳақида икки оғиз сўз)

Кино бугунги кунда бутун дунёни қамраб олган санъат турига айланиб улгурган. Яъни унинг оммавий тус олганига анча бўлган. Демак, кино ҳақида гапирганда шу доминант жиҳатни ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400