Қозоғистон Қирғизистонда бӯлиб ӯтажак президент сайловига кузатувчи юборишдан воз кечди

Қозоғистон Қирғизистонда бӯлиб ӯтажак президент сайловига кузатувчи юборишдан воз кечди, дея хабар қилади “The Qazaq Times”.

Қозоғистон Республикаси Марказий сайлов  комиссиясининг раиси  Константин Петров ушбу вазиятга боғлиқ ӯтказилган давра суҳбатида: «Қозоғистон Республикасининг Марказий сайлов комиссияси 2017 йил 15 октябрь куни Қирғизистон Республикасида бӯлиб ӯтадиган президент сайловига кузатувчи юборишдан воз кечади» – дея маълум қилган.

Бундан ташқари у ӯз сӯзида Ташқи ишлар вазирлигидан Қозоғистон Республикаси Марказий сайлов комиссияси қабул қилган қарорни Қирғизистон Сайлов ва референдум марказий комиссиясига етказишни талаб қилган.

Эслатиб ӯтамиз,  кейинги пайтларда қозоқ-қирғиз муносабати Алмазбек Атамбаевнинг қозоқ ҳукуматига қарата айтган билдиргиси ҳамда Нурсултон Назарбоевнинг Қирғизистон президентлигига номзод Ӯмирбек Бабанов билан учрашувидан кейин кескинлашган.

Расмий Остона Атамбоевнинг сӯзларидан кейин Қирғизистон билан ӯртадаги чегарани кучайтирилган тартибга  ӯтказиб, “қирғиз президентининг сӯзлари ҳақиқатга мос эмаслигини ва ваҳима уйғотиш маъносида айтилганини”  эълон қилган.

Бундан олдин Қирғизистон Ташқи ишлар вазирлиги Назарбоевнинг Бабанов билан учрашувини мамлакатнинг ички сиёсатига  аралашиш дея таърифлаб, Қозоғистонга норозилик нотасини юборган эди.

Муаллиф: Рўзибой Азимий

Бўлишинг:

Муҳаррир танлови

Қозоғистонда 45 нафар йўловчиси бўлган автобус ағдарилиб кетди

Қарағанда вилоятидаги трассада 45 нафар йўловчиси бўлган, Егиндибулақ – Қарағанда йўналиши бўйича кетаётган рейсдаги автобус ағдарилиб кетди. (more…)

Қобулдаги тўйда портлашда 182 киши яраланди, 63 киши ҳалок бўлди

Афғонистон пойтахти Кобулдаги тўйда содир этилган портлаш оқибатида 63 киши ҳалок бўлди, 182 киши яраланди. Бу ҳақда Tolo News нашрига таяниб, Кун.уз ёзмоқда. Портлаш содир ...

Биз қайси даврда яшаяпмиз?

Баъзан қайси замонда яшаётганингни, қайси даврни оқлаш ва қайси даврни қоралашни билмай қоларкан, киши. Узоққа бормаёқ СССР таркибида бӯлган давримизни ёдга олайлик. ...