Бошқа мавзулар
Ҳар йили куз мавсумида АҚШ Давлат департаменти томонидан эълон қилинадиган «Грин кард» анкетасини тўлдириш муддати ўзгартирилди. Бу ҳақдаги илк расмий маълумотни АҚШнинг Эквадордаги консуллик идораси хабар берди.
Мақола kun.uz сайтидан олинди
Унда айтилишича, жорий йилда Green Card лотереясини ўтказилишига оид саналарда ўзгариш юз бериб, анкеталарни 18 октябрдан бошлаб тўлдириш мумкин. Шу пайтгача тўлдирилган барча анкеталар ҳам қайтадан киритилиши шарт, акс ҳолда уларнинг ҳақиқийлиги тасдиқланмайди.
Хабарда айтилишича, анкеталарни тўлдиришнинг сўнгги муддати 22 ноябрь куни якунига етади. Шунингдек, мазкур идора берган маълумотга кўра, Green Card 2019 натижалари 2018 йил 15 майдан сўнг эълон қилинади.
Ҳозирча бу ҳақда Давлат департаментининг расмий саҳифасида ҳеч нима дейилмаган. АҚШнинг Ўзбекистондаги элчихонаси ҳам мазкур масалага расмий изоҳ бермаган.
