Давлат тўнтаришида айбланаëтган журналистнинг онаси Мирзиëевдан ëрдам сўради

Қарийб 20 кундан буён МХХ ҳибсхонасида қолаётган журналист Бобомурод Абдуллаевнинг онаси – Гавҳаржон Мадаминова Ўзбекистон президенти ва Бош прокурорига ариза билан мурожаат қилиб, улардан ўғлининг ишини назоратга олишни сўради.3

69 яшар Гавҳаржон Мадаминова терговчиларнинг ўғлининг қийноққа солинмаганлиги ҳақидаги даъволаридан шубҳаланмоқда.

Мустақил журналист Бобомурод Абдуллаев 27 сентябрь куни қўлга олинган эди. Ўшандан буён уни онаси – Гавҳаржон Мадаминовага кўрсатишмаган.

Мадаминованинг гапига кўра, 16 октябрь куни у арз қилиш учун Ўзбекистон президенти девонига ва Бош прокуратурага борди. Мадаминованинг айтишича, хусусий адвокатлар унинг ўғлини ҳимоя қилишдан бош тортмоқда ва ҳозирда ўғлини давлат тайинлаган адвокат ҳимоя қилишни бошлаган.

– Менга уни кўрсатишмаяпти. Давлат адвокати ўғлим билан учрашиб, менга ҳаммаси яхши эканини айтди. Адвокат менга Бобомуродни калтаклашмаганини айтди. Кейин мен ўғлимни кўришга ёрдам беришини сўрадим. Бироқ адвокат менга тергов тугатмагунча у менга кўрсатилмаслигини айтди “, – дейди журналистнинг онаси.

44 ёшли мустақил журналист Бобомурод Абдуллаев Ўзбекистон Жиноят кодекси 159-моддасининг 4-қисмида кўзда тутилган жиноятларни содир этганликда (Ҳокимиятни босиб олиш ёки Ўзбекистон Республикаси конституциявий тузумини ағдариб ташлаш мақсадида фитна уюштириш) айбланмоқда. ​ Ушбу жиноятни содир этиш учун 10 йилдан 20 йилгача озодликдан маҳрум қилиш жазоси назарда тутилган.

Суд қарорида ëзилишича, “Абдуллаев “Ўзбекистон Халқ ҳаракати” функционери сифатида шу ҳаракат раҳбари Муҳаммад Солиҳнинг кўрсатмаси билан 2011 йилдан буён Усмон Ҳақназаров тахаллуси билан Интернетда мавжуд конституциявий тузумни ағдаришга қаратилган материалларни тарқатиш билан шуғулланиб келган”.

Бўлишинг:

Муҳаррир танлови

Ҳоким тўраларни деб минглаб банк ходимлари кўчаларда сарсон, уйма-уй юришипти

Айни дақиқаларда Халқаро пресс-клубда "Ҳар бир оила-тадбиркор" давлат дастури юзасидан пресс-конференция ўтказилмоқда. Муштарийларимиздан бири бизга мазкур дастур бўйича ...

Эврил турон: эллигинчи йиллар манзараси

(Давоми) Эл-улус қатори Гулистон кентини қиялаб ўтган йўлдан юришга мажбур бўлдик. Декабрь эшик  қоқаётганига қарамай, сўқоқнинг икки ёғида теримчилар учлари кўринар-кўринмас ...

Прокуратуранинг иибга хуружи ёхуд туҳмати. таниш-билишчилик касри

Таҳририятимизга Наманган вилояти Чуст туманида яшовчи фуқаро Камола Тӯхтаевадан шикоят хати келди. Муаллиф ӯз шикоят хатида Чуст туман ИИБда хизмат қилаётган турмуш ӯртоғи С. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400