Ксения Собчак президент сайловларида ўз номзодини қўйишини эълон қилди

Ксения Собчак 2018 йилда Россия президенти лавозимига сайловда ўз номзодини қўйиши ҳақида расман хабар қилди.

Телебошловчи ўз қарорини у 5 йилдан бери мухолифатчилар ва «ўн минглаб бошқа одамлар» билан бирга митингларга чиқаётгани ва ўзгаришларни талаб қилаётгани, бироқ бу ўзгаришлар рўй бермаётгани билан изоҳлади.

“Ўғрилар ва коррупциячилар алдашда, ҳокимият эгалари эса ўғрилик қилишда давом этмоқда”, – деди Собчак. Унинг сўзларига қараганда, президент сайловларидаги ўз иштироки билан, у «ҳаммага қарши» овоз бериш имкониятини қайтармоқчи. “Ксения Собчак – ҳаммага қарши номзод”, – деди телебошловчи.

Собчак президентликка ўз номзодини қўйиши мумкинлиги ҳақида сентябрнинг бошида маълум бўлган эди. ОАВ маълумотларига қараганда, телебошловчи Владимир Путин маъмуриятининг розилигига биноан, давлат раҳбари лавозимига номзодини қўяди. Собчакнинг ўзи Кремль билан келишилганликни инкор қилди. Президент сайловларида иштирок этишни мўлжаллаётган яна бир мухолифатчи Алексей Навальний Собчакни «карикатура сифатидаги либерал номзод» деб атаб, уни танқид қилди. Бунга жавобан Собчак Навалнийни мухолифатни парчалаб ташлаганликда айблади ва шу билан бирга, «куч-ғайратларни бирлаштириш»ни таклиф қилди.

Навалнийнинг акс-таъсирини изоҳлар экан, Собчак агар шу мухолифатчининг номзоди рўйхатдан ўтса, ўз номзодини олиб ташлашинибаён қилди. Кремлда аввалроқ, чоршанба куни Собчакнинг сайловларда қатнашиш нияти «Конституция қоидаларига тўла мос келиши»ни баён қилишган эди.

Петербургнинг марҳум раҳбари Анатолий Собчакнинг қизи 2004 йилдан бери ТНТдаги «Уй-2» (“Дом-2”) шоусида бошловчи бўлиб ишлаган. Ўз номзодини илгари суришидан сал аввал, Собчак ўз отаси ҳақида Россия президенти (ўтмишда – Анатолий Собчакнинг ёрдамчиси) иштирок этган ҳужжатли фильмни суратга олиши маълум бўлди.

Бўлишинг:

Муҳаррир танлови

Диплом ишини ёзиш нархи қайси олийгоҳда қанчалигини биласизми? 

АУДИТОРИЯ. Ҳамма навбатдаги дарс бошланишини кутаяпти. Бир ўқитувчимизнинг тоби қочган экан, дарс битирувчи курс билан қўшиб ўтказиладиган бўлди. Орқа ўриндиқда ўтирган ...

Сурхондарё вилояти ҳокими ўринбосари ва вилоят прокурори лавозимидан озод этилди

Сурхондарё вилояти ҳокимининг қишлоқ ва сув хўжалиги масалалари бўйича ўринбосари Улуғбек Охунов ва вилоят прокурори Ўктам Саидов бошқа ишга ўтгани сабабли эгаллаб турган ...

Ўзбекистонда доллар курси 3,62 сўмга қимматлади

Ўзбекистон Марказий банки 2019 йилнинг 9 июлидан хорижий валюталарнинг сўмга нисбатан қийматини белгилади. Янги қийматга кўра, АҚШ доллари курси бироз ошиб (+3,62 сўм), ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400