Қирғизистон Қозоғистоннинг 100 миллион долларлик ёрдамидан расман воз кечди

Ҳукумат Қозоғистон томонидан 100 миллион долларлик ёрдам тўғрисидаги Битимни денонсация қилиш тўғрисидаги қонун лойиҳасини парламентга юборди. Бу ҳақда бош вазир ўринбосари Дуйшенбек Зилалиев маълум қилди. Унинг сўзларига қараганда, қирғиз томони эндиликда бу ёрдамга муҳтож эмас.

«Биз бу маблағларга “йўқ” дейишга қарор қилдик. Бошқача айтганда, бизнинг эндиликда унга эҳтиёжимиз қолмади. Биз бюджет ёки хазинадан ташқаридан молия манбаларини қидирамиз. Айни дамда ЕОИИ талабларига жавоб берадиган 14та лаборатория қурилишининг катта қисми тугалланди. Қурилишларга маблағларни бизнинг ўзимиз берамиз. Йил охирига қадар улардан кўпчилигининг қурилиши якунланади», – деди бош вазир ўринбосари.

Хабарларга кўра, Қозоғистон билан эришилган Битимни денонсация қилиш тўғрисидаги қонун лойиҳаси парламентга иқтисод вазири Артем Новиков томонидан тақдим қилинади. Ҳужжат навбатдан ташқари кўриб чиқилади.

Қозоғистон томонидан Қирғизистонга 100 миллион доллар бериш тўғрисидаги Битим ўтган йили Евросиё Иқтисодий Олий Кенгашининг Санкт-Петербургда бўлиб ўтган мажлисида имзоланган эди. Ёрдам борасидаги келишувга анча олдин эришилган бўлишига қарамай битимни имзолаш чўзилиб кетган эди.

Биринчи транш 41 млн доллар бўлиб, бу маблағлар божхона, транспорт инфратузилмалари, ахборот айирбошлаш, ёнғин хавфсизлиги, соғлиқни сақлаш, санитар-эпидемиология назорати, фитосанитар ва ветаринария чораларини яхшилашга йўналтирилиши режалаштирилган эди.

Қозоғистон ТИВнинг маълум қилишича, қирғиз томонидан бу борада расмий маълумот келиб тушмади ва мазкур масала 18 октябрь куни икки мамлакат ҳукумат раҳбарларининг музокараларида муҳокама қилинмади.

Бўлишинг:

Муҳаррир танлови

“банклар туфайли ягона ўғлимнинг ўқиш пулини тўлай олмаяпман”

  "Мен ёлғиз онаман. Уч ой олдин ўғлим Япония университетларидан бирига интернет орқали имтиҳон топшириб, ўқишга қабул қилинди. Ёлғиз ўзим ўғлимни катта қилганман. Ёлғиз ...

Ўз уйингда ижарачисан

Бу мақоладаги гаплар кўпқаватли уйларда яшайдиганларга тегишли, шунинг учун “ўз уйинг” деганда квартирани назарда тутамиз. Ҳа, ўз мулкимиз бўлган квартирамизда ижарачи – ...

Чинозда 350 кишидан 3 млрд сўмдан ошиқ пул тўплашга улгурган янги аҳмадбой пайдо бўлди

2015-2016 йилларда юртимизда чинозлик «Аҳмадбой»нинг довруғи достон бўлган эди. Халқ орасида «Аҳмадбой»нинг пулни икки баравар қилиб қайтариб бериши ҳақидаги хабар яшин ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400