Тожикистондаги рейдга инсон ҳуқуқлари ҳимоячиси тушди

“Фуқаро эркинликлари идораси” жамоатчилик ташкилоти баёнот бериб, асосан милиция ходимлари томонидан ўтказиладиган кузги “рейд” ҳақида маълум қилди. Таъкидланишича, ташкилот адвокати ва ҳуқуқшунос Дилшод Жўраев ўтган ҳафтада бу галги “рейд”да шахсан иштирок этган.

«Бу ҳодиса пойтахтдаги Сино туманида бўлиб ўтди. Уч нафар ҳамроҳи бўлган милиция капитани ёнимга келиб, ёшим нечадалигини сўради. Мен уларни синаб кўрмоқчи бўлдим. Ўзимни чақирув ёшидаги ўсмир сифатида кўрсатиш мақсадида 27ёшдаман дедим, аслида менинг ёшим 36да. Улар мени қўлимдан етаклаб ҳарбий комиссариатга олиб боришди ва у ерга ташлаб ўзлари кетишди. Ҳарбий комиссар менинг ҳақиқий ёшимни, қандай иш билан шуғулланишимни билгач узр сўради ва ҳеч кимга шикоят қилмаслигимни илтимос қилди», – дейди Дилшод Жўраев.

Унинг айтишича, ҳарбий комиссариатда худди ўзи сингари “рейд”га тушиб қолган бир неча ўсмирлар билан суҳбатлашган. Маълум бўлишича, чақирув компанияси бошланганидан бери “Фуқаро эркинликлари идораси”га ноқонуний усуллар билан армияга чақирилганларнинг қариндошларидан 12та ариза тушган.

“Фуқаро эркинликлари идораси” вакили Хуршида Раҳимованинг сўзларига қараганда, айрим маҳаллий маъмуриятлар ёшларни армияга чақиришда милиция ходимларини жалб қилади. У бунга мисол сифатида Сўғд вилоятининг Спитамен туман маъмурияти чиқарган қарорни келтирди. Бу қарорда ички ишлар органларига мурожаат қилиниб армияга чақирув режасини бажаришга ёрдам кўрсатиш сўралади.

«Бу каби қарорлар “Ҳарбий хизмат ва ҳарбий чақирув тўғрисида”ги Қонуннинг айрим моддаларига тўғри келмайди. Чақирув тўғрисида қоғоз олган ўсмир ҳарбий комиссариатга келмаган тақдирдагина, ҳарбий комиссар “бўйин товлаган”га чора кўриш мақсадида милицияга мурожат қилиши мумкин». Биздаги маълумотларга кўра, бу йил “рейдлар” анча кўпайган», – дейди Хуршида Раҳимова.

Бўлишинг:

Муҳаррир танлови

Тив россияда ўзбекистонлик 3 ёшли бола деразадан йиқилиб, ҳалок бўлганини тасдиқлади

Россияда ўзбекистонлик 3 ёшли бола деразадан тушиб кетиб, ҳалок бўлгани ҳақида ОАВларда эълон қилинган хабар Ўзбекистон Ташқи ишлар вазирлиги (ТИВ) томонидан тасдиқланди. ...

Корейсга турмушга чиққан ўзбек қизи ўзини ўлдирди

Жанубий Кореяга никоҳ (F-6 -- Корея Республикаси фуқароларига турмушга чиққан хорижликларга берилади) визаси билан келган Ўзбекистон Республикаси фуқароси Қ.Н. ўз жонига қасд ...

Тошкентда лаҳм гўшти 42-45 минг сўм, суякли гўшт эса 30-35 минг сўм

Ўзбекистонда кейинги пайтларда нарх-навонинг кескин тарзда ошиши тўхтамаяпти. Мамлакат пойтахтида инсон учун энг зарур саналадиган озуқа маҳсулотлари - гўшт, ёғ, ун, ва сут ...