“Депорт”га тушган ўзбек муҳожирлари ФСБ рухсатисиз Ўзбекистонга кета олмаяпти

Самаранинг Хорижликларни вақтинча сақлаш марказида (СУВСИГ) қолаётган бир гуруҳ ўзбекистонлик муҳожир ФСБ рухсатисиз уйга кета олмаётганидан арз қилди. Уларнинг айтишича, махсус хизматлар текширувидан ўтган ўзбеклар Қозоғистон чегарасигача ўз ҳисобидан жўнатилмоқда.

Самара вилоятидаги Хорижликларни вақтинча сақлаш марказларидан бирида иккинчи ой ушлаб турилган наманганлик 22 яшар Дурбек Ўзбекистонга чиқиб кетишга марказ раҳбариятидан рухсат ололмаётганини айтди.

“Мени дўстим билан 10 октябрда Самарада ФСБ ушлади, ишлаётган жойимиздан олиб келди, миграция қоидаларини бузганимиз учун суд қилди. “Қўл қўйинглар – 10 кун ичида ўзинглар чиқиб кетасизлар”, деди. Биз қўл қўйдик, қўлимизга наручник солиб, Тольяттига олиб кетди. Мана бир ой бўлди, олган билетларимизни отменять қилиб, “Сенларга ФСБ рухсат бермаяпти”, дея бизни жўнатмаяпти Ўзбекистонга. Айбимизни ҳам тушунтирмаяпти”, – дейди Дурбек.

У бундан бир неча кун олдин 35 ўзбекистонлик депортация марказидан Қозоғистон чегарасига жўнатилгани, аммо унга ва у билан бир хонада ўтирган бошқа муҳожирларга кетишга рухсат берилмаганини айтади.

Яқинда Россия Омбудсмени Татьяна Москалькова чет элликларни сақлаш марказлари учун маблағ ажратишни сўраб, ҳукуматга мурожаат қилган эди. Омбудсменга кўра, маблағ камлиги боис, меҳнат муҳожирларини депортация қилиш жараёни узоққа чўзилмоқда.

Бўлишинг:

Муҳаррир танлови

Андижон милициялари ўта оғир жиноятларда айбланиб ҳибсга олинди

Бир қатор оммавий ахборот воситаларида Андижон вилоят ИИБнинг  айрим ходимлари ҳибсга олингани ҳақида тарқалган хабарлар тасдиқланди, дея ёзмоқда “Соф.уз” сайти. Иллюстратив ...

Самарқандда кон остида қолган 30 олтин изловчи қутқарилди, фвв шахтани ёпиб ташлади

Самарқанд вилоят, Пахтачи туманидаги Навоий кон-металлургия комбинати тасарруфидаги Қорақўтан конида ғайриқонуний 30 нафар олтин изловчи қутқарилди, ФВВ шахтани ёпиб ташлади. ...

Аҳмадбой: «одамлар худодан қўрқсин. улар пулни ўз хоҳиши билан олиб келган, ҳеч ким мажбурламаган»

Жиноят ишлари бўйича Қуйи Чирчиқ туман судида судланувчилар Аҳмаджон Турсунбоев ва бошқаларга нисбатан жиноят ишининг тергов билан якунланган қисмини кўриб чиқиш бўйича суд ...