4 яшар қизини калтаклаган милиционер ота устидан жиноят иши очилди

Яқинда ижтимоий тармоқларни 4 яшар қизчанинг ўз отаси томонидан калтаклангани ларзага солди. Воқеа Тошкент шаҳри Чилонзор туманида содир бўлган; қизчанинг отаси милиция ходими бўлиб, ҳозирда устидан бир неча модда бўйича иш очилган; суд қизча ва унинг акасини онасига олиб берган.

 Озодлик 4 яшар қизалоқнинг исми Мўмина бўлиб, унинг отаси Миробод туман Ички ишлар бўлимида ишлаганини аниқлади. Қизини ургани ошкор бўлгач, у ишдан ҳайдалиб, устидан жиноий иш қўзғатилган.

– 1986 йилда туғилган Ҳ.А.Н. ҳозирда милиция бўлимидан ишдан бўшатилган. Унга нисбатан Ўзбекистон жиноят кодексининг камида 4 та моддаси билан жиноий иш қўзғатилди. Жумладан, 104-модда (Қасддан баданга оғир шикаст етказиш) ва 110- модда (Қийнаш) моддалари бор. Ҳозирда ундан тилхат олиниб, уйига қўйиб юборилган. Лекин уни эҳтиёт чораси сифатида қамоққа олиш бўйича санкция бериш масаласи ҳам ўрганилмоқда, деди ҳуқуқ-тартибот идораларидаги манба.

9 ноябрь куни Чилонзор туманининг “Нафосат” маҳалласида ўтган сайёр суд Мўмина ва унинг 8 яшар акасини отасидан олиб онасига берган. Бу ҳақда маҳалла фаолларидан бири маълум қилди. Унга кўра, Мўминанинг отаси билан онаси расман ажрашмаган бўлиб, ҳали ҳам уларнинг никоҳи сақланиб турибди.

Видеотасвирда Мўминанинг ўз отаси томонидан бир неча дақиқа давомида аёвсиз калтаклангани акс этган. Ота қизини уриш давомида уни ҳақоратлаб уйдан ҳайдайди: “Ҳе, исқирт. Менга керакмассан. Онанг икки йилдан бери Туркияда юрибди. Энди итнинг кунини соламан сенларга. Қачон кетасан? Йиғиштир нарсаларингни? Кет уйимдан”, дея уради ота қизини.

Манбанинг айтишича, қизчанинг онаси икки йил давомида Туркияда яшаб, жорий йил октябрь ойида Тошкентга қайтиб келган ва болаларини эридан тортиб олиш борасида судга мурожаат қилган.

Бўлишинг:

Муҳаррир танлови

https://youtu.be/6G3AT0TFf-0

Ўзбекистонда таксичилар 2018 йили 26,2 млрд сўм жарима тўлашди

2018 йилда Ўзбекистонда ноқонуний йўловчи ташувчиларини аниқлашга қаратилган 15,4 мингга яқин қўшма рейдлар ўтказилди. Ушбу маълумотлар чоршанба куни ўтказилган Халқаро ...

Ўзбекистонда доллар курси 10.07 сўмга арзонлади

Ўзбекистон Республикаси Марказий банки АҚШ долларининг 27 август кунидан амал қиладиган янги курсини белгилади. Унга кўра, АҚШ долларининг 10.07 сўмга арзонлашиб 9373.93 сўм ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400