Душанбеда номаълум шахслар мухолифат партияси етакчисига ҳужум қилди

Тожикистон Социал-демократлар партияси етакчиси Раҳматилло Зоиров номаълум шахслар томонидан ҳужумга учради. Таниқли сиёсатчига ҳужум 9 ноябрь куни кечқурун Душанбеда сиёсатчи уйи яқинида ити билан сайр қилиб юрган бир вақтда юз берди. Бу ҳақда жабрдийданинг ўзи маълум қилди.

Сиёсатчининг сўзларига қараганда, Душанбедаги 103-микрорайонида кўприк устида уни номаълум шахслар кутиб турган ва калтаклаган. Ҳужум оқибатида у ўнг қўлининг иккита бармоғини яралаган. Раҳматилло Зоировнинг айтишича, ҳужум қилганлар билан мутлақо таниш бўлмаган ва бу ҳодиса ўзининг сиёсий фаолияти билан боғлиқлигига ишонишини таъкидламоқда.

ТСДП етакчиси юз берган ҳодиса ҳақида ҳуқуқ-тартибот идораларига маълум қилди ва терговчиларнинг саволларига жавоб берди.

Ҳодиса юзасидан батафсил маълумот берган Зоировнинг айтишича, аввалига унинг ёнига 35-40 ёшларда бўлган аёл келган. «У менга қараб бақирар экан, шаънимга қарата, «сен ёмон мусулмонсан, виждонсиз» деди. Шундан сўнг 28-30 ёшлардаги йигит келиб, «сен сотқин Зоиров, фитна уюштириш учун яна қайтиб келдингми?” дея бақирди. Учинчи одам эса ортимдан келди ва бошимга темир билан урмоқчи бўлди, мен ўнг қўлим билан ҳимоя қилишга улгурдим».

У тиббий ёрдам сўраб яқин атрофдаги клиникага мурожаат қилди. Номаълум шахсларнинг мухолифатдаги партия етакчисига қилган биринчи ҳужуми эмас. Тўрт йил муқаддам партия йиғилиши вақтида шаллақи аёлларнинг бир гуруҳи бинога бостириб кирди ва Зоиров ҳамда унинг тарафдорларини Тожикистондаги сиёсий вазиятни беқарорлаштиришда айблашди.

Раҳматилло Зоиров ТСДПга партия ташкил этилган 1998 йилдан бери раҳбарлик қилиб келади.

Бўлишинг:

Муҳаррир танлови

Ravon автомобилларининг россия бозоридаги йиллик сотуви салкам уч бараварга камайиб кетди

2018 йил якунларига кўра Россия бозорида Ravon улуши 0,3% ташкил қилган. Бу ҳақда Европа бизнеси Ассоциацияси йиллик ҳисоботида қайд қилинган, деб ёзмоқда “Халқ сўзи”  ...

Фарғонадаги болалар боғчасининг 11 нафар тарбияланувчиси овқатдан заҳарланди

25 октябрь куни Фарғона вилояти соғлиқни сақлаш бошқармасининг берган хабарига кўра, Фарғона шаҳар 9-сонли мактабгача таълим муассасасида тарбияланаётган 11 нафар ...

“ипподром” бозори акциялари сотувга қўйилди

 «Chilonzor buyum savdo kompleksi» АЖ (аҳоли орасида «Ипподром бозори») акциялари фонд биржасида сотила бошланди. Бу ҳақда биржа сайтида хабар қилинган. Ўтган ҳафта улар ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400