Тожикистонда полигондаги отишма вақтида учта уй зарар кўрди (видео)

Шаартуз туманидаги полигонда отишма вақтида учта уй зарар кўрди. Ўқлар нишонни четлаб ўтди ва тинч аҳоли вакилларнинг уйига келиб тушди. Ҳодиса 11 ноябрь куни, Ҳарбмайдон” полигонида КXШТнинг “Жанговар биродарлик-2017” тезкор-стратегик қўшма машқлари бошланган куннинг эртасига юз берди.

Маҳалий расмийларнинг маълум қилишича, ҳодиса оқибатида туман аҳолисидан ҳеч ким зиён кўрмади.

Иттифоқ қишлоғида яшовчи Саида Қурбонованинг айтишича, ўқлардан бири унинг беш нафар фарзанди телевизор кўриб ўтирадиган хонага келиб тушган. «Бахтимизга, ўша куни қишлоғимизда электр йўқ эди ва шу сабабли ҳам болалар мен билан ошхонада эди. Отилган ўқ туфайли уйимизнинг девори, болхонаси ва томида тешик қолди», – дейди Саида Қурбанова.

Унинг эри Муҳиддин Қурбоновнинг айтишича, етиб келган аскарлар уйнинг ертўласидан яна битта ўқ топишган.

Холматов номли қишлоқ кенгаши раиси Абдураҳим Ўруновнинг айтишича, хукумат Қурбоновлар оиласига етказилган зарарни қоплайди. Унинг сўзларига қараганда, махсус комиссия уйга етказилган зарар 2 минг сомони дея белгилади.

Фавқулотда вазиятлар ва фуқаро мудофааси Шаартуз туман штабнинг маълум қилишича, отишмадан туман марказидаги иккита уй зарар кўрди. Штаб раҳбари Саид Бороновнинг сўзларига қараганда, Тожикистон-Афғонистон чегараси яқинидаги «Ҳарбмайдон» полигонида ОДКБнинг қўшма машқлари вақтида отилган ўқлар аҳолининг уйларига бориб тушган. Унинг айтишича, ҳарбийлар аҳолига уйлар танк қуролларидан отилган снарядлардан зарар кўрганини маълум қилди.

Сўнгги ўн йилликларда Тожикистонда ҳарбий машқлар вақтидаги дайди ўқлардан 11 нафар тинч аҳоли вакили ҳалок бўлган.

Бўлишинг:

Муҳаррир танлови

Қашқадарёда 75 фоиз ички​ йўллар таъмирталаб аҳволда 

Вилоятдаги мавжуд ички хўжаликлараро автомобиль йўлларининг 11 200 километрлик қисми ёки 75 фоизи таъмирталаб аҳволга келиб қолган. Бу ҳақда сенатор Толиб Мадумаров маълум ...

Душанбе ҳокимияти аёлларни кўчадаги эркакларнинг одобсиз муомаласидан қўрғайди

50 дан ортиқ аёл Душанбе шаҳрининг ҳокими Рустами Эмомалига мурожат қилиб, кўчадаги эркакларнинг қўпол, одобсиз муомалаларидан қўрғашини илтимос қилишди. Бу ҳақида шаҳар ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400