Ўзбекистонда Корея Республикасининг уч университети филиали очилиши мумкин

Ахборот технологиялари ва коммуникацияларни ривожлантириш бўйича вазир вазифасини бажарувчи Шерзод Шерматов, олий ва ўрта-махсус таълим вазири Ином Мажидов ҳамда Тошкент шаҳридаги Инха Университети ректори Сарвар Бобохўжаевдан иборат   Ўзбекистон делегацияси Корея Республикаси етакчи олийгоҳлари раҳбарлари билан учрашув ва музокаралар ўтказди.

Бу ҳақда kun.uz сайти хабар тарқатди. Хабарда ёзилишича, учрашувлар Ўзбекистон Президенти Шавкат Мирзиёевнинг 22-25 ноябрь кунлари Корея Республикасига амалга оширадиган давлат ташрифи арафасида бўлиб ўтган.

Жанубий Кореяда битирувчилари энг яхши натижаларга эришувчи нуфузли университетлар учлиги SKYuniversities деб аталади. SKY уч энг яхши университетнинг бош ҳарфларидан тузилган: S – Сеул миллий университети (Seoul National University), K – Корё университети (Korea University) ва Y – Ёнсей университети (Yonsei University). SKY сўзи инглизчадан осмон дея таржима қилинади, бу эса мазкур уч олийгоҳга киришнинг қийинлигига ишора қилади.

Ўзбекистон делегацияси самарали ҳамкорликни йўлга қўйиш мақсадида айнан шу университетлар раҳбариятлари билан учрашди. Бундан ташқари, Ханянг технология университети билан ҳам учрашув режалаштирилган.

Томонлар музокаралар давомида Ўзбекистон ва Жанубий Корея олий таълим муассасалари ўртасида ҳамкорликни йўлга қўйиш масалаларини муҳокама қилишди. Шунингдек делегациямиз вакиллари ушбу университетлар раҳбариятини Ўзбекистонда филиалларни очиш имкониятларини кўриб чиқишга таклиф қилди. Хусусан, меъморчилик, шаҳарсозлик ва фуқаролик муҳандислиги йўналишлари бўйича.

Университетлар вакиллари Ўзбекистонга ташриф буюриш ва бозорни таҳлил қилиш орқали бу масалани яхшилаб ўрганиб чиқиш зарурлигини таъкидлашди. Корея томон мазкур масалани ўрганиш бўйича ишчи гуруҳларини ташкил қилиши қайд этилди.

Бўлишинг:

Муҳаррир танлови

Ёрдам беринг: кўзёшларим шодлик ёки ҳасратга дўниши сизнинг ихтиёрингизда.

Ассалому алайкум, мени танийсиз. Қанчалик танийсиз? Асосан, ижодкор деб, тўғрими? Қаерлик эканим, қаерда яшашим, қаерда ишлашим ва шу кабилар. Борингки, дардмандлигимни ҳам ...

Азага айланган байрам! андижонда бир оила пичоқлаб кетилди

2017 йил 30 декабр куни Андижон вилоятининг Хўжаобод туманидаги коттежларнинг бирида ижарада турган аёлнинг 6 ойлик гўдаги, 3 ёшли боласи ва синглиси, жами 4 нафар одам ...

“зулфия” оберинг дадажон… (ҳажвия)

Келинг, мен сизни “Зулфиячилар маҳалласи" билан таништирсам… Акаси, Зулфияхоним қизларини эшитганмисиз? Ана ўша қизларнинг ҳаммаси мана шу маҳаллада. Бу томондагилари ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400