Бошқа мавзулар
Мамлакатимизда товуқ боқиш кенг кӯламда тарғибот қилинган 2017 йилда товуқ тухуми ва товуқ гӯшти барқарор нархда бӯла олмади.
Паррандачиликка эътибор қаратиш кучайтирилган ва вилоятларда уйма-уй юриб жӯжалар тарқатилган, товуқ сотиб олиш учун банк томонидан кредит берила бошланган бир пайтда, яъни март-апрель ойларида 1 кг товуқ гӯшти 12-14 минг сӯмни ташкил этган бӯлса, орадан 7 ой ӯтиб товуқ маҳсулотлари деярли 100 фоиз ошди.
Ҳозирги кунда бозорларимизда 1 кг товуқ гӯшти 25-28 минг сӯм, 1 дона ӯртамиёна тухум 600-700 сӯм. Супермаркетларда эса товуқ маҳсулотлари бозордан ҳам қиммат.
Ора-сирада пойтахт бозорларида ёнғоқдан сал катта тухум 400 сӯмдан, 1 кг товуқ гӯшти эса 20 минг сӯмдан савдога чиқарилади. Бундай пайтларда бозорларимизда турнақатор навбат ҳамда ӯзига яраша ур-йиқит, муштлашув, тортишув, баҳс-мунозаралар пайдо бӯлади.
Тошкентдаги энг гавжум Қӯйлиқ бозорида тадбиркорлар уюштирган тухум савдоси жараёни олинган расмдан юртдошларимиз 100-200 сӯм арзон маҳсулотларни харид қилиш учун соатлаб навбат кутишга тайёрлиги ойдин бӯлмоқда. Бу эса, шубҳасиз, қоғоздаги ҳисобот билан ҳаётдаги ҳисобот ҳамон бир-бирига рақиблигини англатади.
Муаллиф: Рўзибой Азимий
